ରାଣା ଦମ୍ପତ୍ତିଙ୍କୁ ୨ କୋଟିର ପେଣ୍ଟିଂ କିଣିବାକୁ ବାଧ୍ୟ କରିଥିଲେ ପ୍ରିୟଙ୍କା

ନୂଆଦିଲ୍ଲୀ: ପ୍ରିୟଙ୍କା ଗାନ୍ଧି ଭଦ୍ରାଙ୍କୁ ନେଇ ଏମିତି ଦାବି କରିଛନ୍ତି କରିଛନ୍ତି ୟେସ୍ ବ୍ୟାଙ୍କର ପୂର୍ବତନ ସିଇଓ । ଏନଫୋର୍ସମେଣ୍ଟ ଡାଇରେକ୍ଟୋରେଟ ବା ଇଡି ର ଚାର୍ଜସିଟରେ  ଏଭଳି ଦାବି କରାଯାଇଛି । ଚାର୍ଜସିଟ୍ ଅନୁସାରେ  ପ୍ରିୟଙ୍କା ଗାନ୍ଧୀ ରାଣା କପୁରଙ୍କୁ ୨ କୋଟିର ଏମଏଫ ହୁସେନଙ୍କ ଚିତ୍ର କିଣିବାକୁ ବାଧ୍ୟ କରିଥିଲେ ଏବଂ ଏହି ଟଙ୍କା ସୋନିଆ ଗାନ୍ଧୀଙ୍କ ଚିକିତ୍ସା ପାଇଁ ବ୍ୟବହୃତ ହୋଇଥିଲା। କେବଳ ଏତିକି ନୁହେଁ ପେଣ୍ଟିଂ କିଣିଲେ ତାଙ୍କୁ ପଦ୍ମ ସମ୍ମାନ ମିଳିବା ସହିତ ଗାନ୍ଧି ପରିବାର ସହିତ ସମ୍ପର୍କ ନୀବିଡ ହେବ ବୋଲି ରାଜ୍ୟସଭା ସଦସ୍ୟ ତଥା କଂଗ୍ରେସ ନେତା ମୁରଲି ଦେଓରା ପ୍ରତିଶ୍ରୁତି ଦେଇଥିବା ରାଣା ଇଡିକୁ କହିଥିଲେ ।

ଚାର୍ଜସିଟରେ ଅନୁସାରେ ରାଣାଙ୍କୁ  ତତ୍କାଳୀନ ପେଟ୍ରୋଲିୟମ ମନ୍ତ୍ରୀ ମୁରଲି ଦେଓରା କହିଥିଲେ ଯେ, ଯଦି ସେ ଏମଏଫ ହୁସେନଙ୍କ ଚିତ୍ର କିଣିବାକୁ ମନା କରନ୍ତି, ତେବେ ଗାନ୍ଧୀ ପରିବାର ସହ ତାଙ୍କର ସମ୍ପର୍କ ଖରାପ ହେବା ସହିତ  ପଦ୍ମ ସମ୍ମାନ ପାଇବାରେ ବି ଅସୁବିଧା ହେବ । ରାଣା କପୁର ଏହି ମାମଲାରେ  ଇଡି ସମ୍ମୁଖରେ  ସୋନିଆ ଗାନ୍ଧୀଙ୍କ ଘନିଷ୍ଠ ସହଯୋଗୀ ଅହମ୍ମଦ ପଟେଲଙ୍କ ବାବଦରେ ମଧ୍ୟ କହିଥିଲେ । ରାଣାଙ୍କ ଅନୁସାରେ ପେଣ୍ଟିଂ କିଣିବା ପରେ ପଟେଲ ତାଙ୍କୁ କହିଥିଲେ ଯେ, ସେ ସୋନିଆଙ୍କ ଚିକିତ୍ସାରେ ଗାନ୍ଧୀ ପରିବାରକୁ ସାହାଯ୍ୟ କରି ଭଲ କାମ କରିଛନ୍ତି ଏବଂ ତାଙ୍କୁ ପଦ୍ମ ଭୂଷଣ ଦେବା ପାଇଁ ଚିନ୍ତା କରିଛନ୍ତି।

ସୂଚନାଯୋଗ୍ୟ ଯେ, ରାଣା କପୁରଙ୍କୁ ମାର୍ଚ୍ଚ ୨୦୨୦ ରେ ଗିରଫ କରାଯାଇଥିଲା ଏବଂ ସେ ବର୍ତ୍ତମାନ ମଧ୍ୟ ନ୍ୟାୟିକ ହେପାଜତରେ ଅଛନ୍ତି। ରାଣା କପୁର କହିଛନ୍ତି ୨୦୧୦ ମସିହାରେ ମୁରଲି ଦେଓରା ତାଙ୍କୁ ନୂଆଦିଲ୍ଲୀର ଲୋଡି ଇଷ୍ଟେଟ୍ ବଙ୍ଗଳାରେ ମାରୱାଡି ରାତ୍ରୀ ଭୋଜନ ପାଇଁ ସାକ୍ଷାତ କରିବାକୁ ଚାପ ପକାଇଥିଲେ। ଚାର୍ଜସିଟ୍ ଅନୁଯାୟୀ ଦେଓରା ତତକାଳୀନ ପେଟ୍ରୋଲିୟମ ମନ୍ତ୍ରୀ ଥିଲେ ଏବଂ ତାଙ୍କୁ ଏହି ବଙ୍ଗଳା ଆବଣ୍ଟନ କରାଯାଇଥିଲା।