ଆଗାମୀ ୩ ଘଣ୍ଟାରେ ଏହି ସବୁ ଜିଲ୍ଲାରେ ଘଡ଼ଘଡ଼ି ବର୍ଷା ସହ ବଜ୍ରପାତ ସମ୍ଭାବନା

ଭୁବନେଶ୍ୱର: ଘଡ଼ଘଡ଼ି ବର୍ଷା ଓ ବଜ୍ରପାତ ନେଇ ସତର୍କତା । ଆଗାମୀ ୩ ଘଣ୍ଟା ଲାଗି ୧୧ ଜିଲ୍ଲାକୁ ୱେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ୧୧ ଜିଲ୍ଲାରେ ଆଗାମୀ ୩ ଘଣ୍ଟା ମଧ୍ୟରେ ଘଡ଼ଘଡ଼ି ସହ ବର୍ଷା ଏବଂ ବଜ୍ରପାତ ହେବ ।

ଆଗାମୀ #୨୪ଘଣ୍ଟା ରେ ବିଜୁଳି ଘଡଘଡି ର ସମ୍ଭାବନା ଥିବାରୁ ଓଡ଼ିଶାର #୧୫ ଜିଲ୍ଲାକୁ #ୟେଲୋ–#ୱାର୍ଣ୍ଣିଂ, #ଉତ୍ତର–#ଅଭନ୍ତରୀଣର ସମସ୍ତ ଜିଲ୍ଲା (#୯ଜିଲ୍ଲା ), #ଭଦ୍ରକ, #ବାଲେଶ୍ୱର, #ଯାଜପୁର, #ସୋନପୁର, #ବଲାଙ୍ଗୀର ଏବଂ #ନୂଆପଡା pic.twitter.com/jequ5sQIbL

— Meteorological Centre, Bhubaneswar (@mcbbsr) March 12, 2021

କେନ୍ଦୁଝର, ମୟୂରଭଞ୍ଜ, ସୁନ୍ଦରଗଡ଼, ଅନୁଗୁଳ, ନୂଆପଡ଼ା, କନ୍ଧମାଳ, ଗଞ୍ଜାମ, ଗଜପତି, ଝାରସୁଗୁଡ଼ା ଓ ଦେବଗଡ଼ ଆଦି ୧୧ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି ହୋଇଛି । ବଜ୍ରପାତକୁ ଦେଖି ଲୋକମାନଙ୍କୁ ସୁରକ୍ଷିତ ସ୍ଥାକୁ ଯିବା ଲାଗି ପରାମର୍ଶ ଦିଆଯାଇଛି ।

ସମୁଦ୍ର ପତ୍ତନର ୦.୯ କିମି ଉପରେ ଉତ୍ତର ମଧ୍ୟ ମହାରାଷ୍ଟ୍ର ଦେଇ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି ଏହା ପ୍ରଭାବରେ ୧୪ ତାରିଖ ଯାଏ ବିଭିନ୍ନ ଜିଲ୍ଲାରେ ବର୍ଷା ହେବ । ୧୩ ତାରିଖ ପାଇଁ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ନୂଆପଡ଼ା, ବଲାଙ୍ଗିର, ସୋନପୁର, ଯାଜପୁର, ଭଦ୍ରକ ଓ ବାଲେଶ୍ୱର ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।

Weather Forecast and Warning for districts of Odisha #Rainfall Forecast for Day -1 & Day-2#Thunderstorm with lightning Warning for Day -1 & Day-2 pic.twitter.com/glEFkHK8o2

— Meteorological Centre, Bhubaneswar (@mcbbsr) March 12, 2021

ସେହିଭଳି ୧୪ ତାରିଖ ଲାଗି ୧୧ ଜିଲ୍ଲାକୁ ଘଡ଼ଘଡ଼ି ବର୍ଷା ସହ ବଜ୍ରପାତ ନେଇ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୁଳ ଓ ଢେଙ୍କାନାଳ ଜିଲ୍ଲାକୁ ସତର୍କ ସୂଚନା ଦିଆଯାଇଛି ।