କାହାଣୀ ୨୧: ପଶ୍ଚିମବଙ୍ଗରେ ଆରମ୍ଭ କଲେ ମୋଦି , ଖେଲା କଲେ ଦିଦି
1 min read
ନନ୍ଦିଘୋଷ ବ୍ୟୁରୋ: ବର୍ଷ ଆରମ୍ଭ ହୋଇଥିଲା । ଆରମ୍ଭ ହୋଇଥିଲା ପଲିଟିକାଲ ୱାର । ଦିଦିଙ୍କ ପରେ ବାମପନ୍ଥୀ ଦୁର୍ଗରେ ଏଣ୍ଟ୍ରି କରିବାକୁ ମନ ବଳାଇଥିଲେ ମୋଦି । ଟିଏମସି ଗଡ଼ ଭୁଷାଡାଇବା ପାଇଁ ଭାଜପା ପ୍ରସ୍ତୁତ କରିଥିଲା ବ୍ଲୁ ପ୍ରିଣ୍ଟ । ମୁଖ୍ୟମନ୍ତ୍ରୀ ମମତାଙ୍କ ହାତ ଛାଡ଼ି ବିଜେପି ଶିବିରରେ ପ୍ରବେଶ କରିଥିଲେ ଅନେକ ତୁଙ୍ଗ TMC ନେତା । ୨୦୦ ପାରର ନାରା ନେଇ ରାଜ୍ୟବ୍ୟାପୀ ବୁଲିଥିଲା ବିଜେପି । ନିର୍ବାଚନ ପୂର୍ବରୁ ପ୍ରାୟ ୫୦ ପାଖାପାଖି ତୃଣମୂଳ ନେତା ଓ ନେତ୍ରୀ ପଦ୍ମ ଧରିଥିଲେ । ବିଜେପିର ହାଇଡେସିମିଲ ପ୍ରଚାରରେ ଏମାନେ ମଧ୍ୟ ଧରି ନେଇଥିଲେ ଯେ, ମମତା ଯୁଗ ସରିବାକୁ ଯାଉଛି । ଆଉ ଆରମ୍ଭ ହେବ ଗେରୁଆ ଯୁଗ । ପାୱାର କରିଡରରେ ଯେକୌଣସି ପ୍ରକାର ମଧ୍ୟ ନିଜ ଦବଦବା ବନାଇ ରଖିବାକୁ ଚାହୁଁଥିବା ଏହି ନେତା ମାନେ ଚାନ୍ସ ମିସ୍ କରିବାକୁ ଚାହୁଁ ନଥିଲେ । କିନ୍ତୁ କଳ ଓ କୌଶଳ ଲଗାଇ ଦେଇଥିଲେ ଦିଦି । ନିର୍ବାଚନ ପୂର୍ବରୁ ରାଜନୀତିକୁ ସରଗରମ କରିଥିଲା ସିବିଆଇ ଓ ପଶ୍ଚିମବଙ୍ଗ ପୋଲିସର ଡ୍ରାମା । ସେପଟେ ଭାଜପା ବିରୋଧରେ ଖୋଲାଖୋଲି ଦିଦି କହିଥିଲେ ଖେଲା ହବେ..
୨୦୨୧ ମାର୍ଚ୍ଚ ୨୭ରୁ ୨୯ ଏପ୍ରିଲ । ୨୯୨ ବିଧାନସଭା ଆସନରେ ନିର୍ବାଚନ ହେବା ଲାଗି ଘୋଷଣା କରନ୍ତି ନିର୍ବାଚନ କମିଶନ । ୮ଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ଇଲେକ୍ସନ । ମୋଦି-ଶାହା- ନଡ୍ଡାଙ୍କ ଗର୍ଜନ ସାଙ୍ଗକୁ ହ୍ୱିଲ ଚେୟାରରେ ବୁଲି ବୁଲି ପ୍ରଚାର କରନ୍ତି ଦିଦି । ଟିଏମସିର ବରିଷ୍ଠ ନେତା ଶୁଭେନ୍ଦୁ ଅଧିକାରୀ ବିଜେପିରେ ମିଶନ୍ତି । ସେପଟେ ଦିଦି ମଧ୍ୟ ଶୁଭେନ୍ଦୁଙ୍କୁ ଏକଦମ ଟାର୍ଗେଟ କରନ୍ତି । ନିଜ ନିର୍ବାଚନ କ୍ଷେତ୍ର ଛାଡ଼ି ନନ୍ଦିଗ୍ରାମରେ ଶୁଭେନ୍ଦୁଙ୍କ ବିରୋଧରେ ମୁଣ୍ଡ ପକାନ୍ତି ଦିଦି । ସେପଟେ ମେ ୨ରେ ଗଣତି ହୁଏ ନିର୍ବାଚନ ଫଳାପଳ । ସରକାର ଗଢିବା ନେଇ ଆଶା ବଳାଇ ସାରିଥାଏ ବିଜେପି । କିନ୍ତୁ ରେଜଲ୍ଟରେ ବିଜେପିର ଆଶା କେବଳ ଆଶାରେ ହିଁ ରହିଗଲା । ପୁଣି ଥରେ ସଂଖ୍ୟା ଗରିଷ୍ଠତା ହାସଲ କରେ ଦିଦିଙ୍କ ବାହିନୀ । ଆଶା ଠାରୁ ଅଧିକ ଆଶନରେ ବିଜୟୀ ହୁଅନ୍ତି ଟିଏସି ପ୍ରାର୍ଥୀ । ୨୦୦ ପ୍ଲସ ନାରା ଦେଉଥିବା ବିଜେପି ମାତ୍ର ୭୭ରେ ସୀମିତ ରହିଯାଇଥିବାବେଳେ ୨୧୪ ଆସନ ହାସଲ କରେ ତୃଣ ମୂଳ କଂଗ୍ରେସ ।
ନିର୍ବାଚନରେ ପରାଜୟ ସ୍ୱତେ ଲଗାତର ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ହୁଅନ୍ତି ମମତା ବାନାର୍ଜୀ । ହେଲେ ୬ ମାସ ପରେ ଖେଳ ବଦଳିଯାଏ । ଯେଉଁ ଚୁଙ୍ଗ ନେତା ସବୁ ବିଜେପି ଶିବିରକୁ ସ୍ନାନ ପାଇଁ ଯାଇଥିଲେ ସେମାନେ ପୁଣି ଥରେ ଦିଦିଙ୍କ ଶରଣଙ୍କୁ ଆସିବାକୁ ବ୍ୟାକୁଳ ହେଲେ । କାରଣ ଆଗକୁ ଥାଏ ଉପନିର୍ବାଚନ । ସେପ୍ଟେମ୍ବର ୩୦ରେ ନିର୍ବାଚନ ହେବା ନେଇ ଘଷଣା କରନ୍ତି ନିର୍ବାଚନ କମିଶନ । ନନ୍ଦିଗ୍ରାମରୁ ପରାଜିତ ହୋଇଥିବା ଦିଦି ଏଥର ନିଜ କ୍ଷେତ୍ର ଭବାନୀପୁରରୁ ପ୍ରାର୍ଥୀ ହୁଅନ୍ତି ଏବଂ ବିଜୟୀ ମଧ୍ୟ ହୁଅନ୍ତି । ପଶ୍ଚିମବଙ୍ଗରେ ୭୭ଟି ଆସନରେ ବିଜୟୀ ହୋଇଥିବା ବିଜେପିରୁ ଦିନକୁ ଦିନ ଖସିବାରେ ଲାଗିଲେ ବିଧାୟକ ସଂଖ୍ୟା । ବିଜେପିରେ ବଡ ଚେହେରାଥିବା ମୁକୁଲ ରାୟ ନିକଟରେ ପୁଣି ଥରେ ଟିଏମସିରେ ସାମିଲ ହୋଇଛନ୍ତି । ଏହାପରେ ୩ରୁ ୪ ଜଣ ବିଧାୟକ ଗେରୁଆ ଶିବିରରୁ ଇସ୍ତଫା ଦେଇ ଟିଏମସିରେ ସାମିଲ ହୋଇଛନ୍ତି । ଫଳରେ ବିଜେପିର ଆସନ ସଂଖ୍ୟା ଇତି ମଧ୍ୟରେ ୭୧କୁ ଖସି ଆସିଲା । ଶେଷରେ ଦିଦି ଯାହା କହିଥିଲେ , ସେଇଆ ହିଁ ହେଲା । ପଶ୍ଚିମବଙ୍ଗରେ ଖେଲା ହେଲା…
