୩୨ବର୍ଷ ପୂର୍ବେ ତତ୍କାଳୀନ ଗୃହମନ୍ତ୍ରୀଙ୍କ ଝିଅକୁ ଅପହରଣ କରିଥିଲା ୟାସିନ, ବଦଳରେ ଛାଡିବାକୁ ପଡିଥିଲା ୫ଆତଙ୍କୀ

ନୂଆଦିଲ୍ଲୀ: ୩୨ ବର୍ଷ ତଳେ ହୋଇଥିବା ଅପହରଣ ମାମଲାରେ ୟାସିନ ମଲିକକୁ ଚିହ୍ନଟ କରିଛନ୍ତି ରୁବୈୟା । ଜମ୍ମୁ କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ମୁଫ୍ତି ମହମ୍ମଦଙ୍କ ଝିଅ ରୁବୈୟା ସୟିଦଙ୍କୁ ଅପହରଣ କରିଥିଲା ଏକଛତ୍ରବାଦୀ ନେତା ୟାସିନ ମଲିକ । ଶୁକ୍ରବାର ରୁବୈୟା ସିବିଆଇର ସ୍ୱତନ୍ତ୍ର କୋର୍ଟରେ ଉପସ୍ଥିତ ହୋଇ ୟାସିନ ମଲିକକୁ ଚିହ୍ନଟ କରିଛନ୍ତି । ୟାସିନ ବ୍ୟତୀତ ଅନ୍ୟ ତିନିଜଣଙ୍କୁ ମଧ୍ୟ ଚିହ୍ନଟ କରିଛନ୍ତି ରୁବୈୟା ।

ପିଡିପି ମୁଖ୍ୟ ତଥା ପୂର୍ବତନ ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫ୍ତିଙ୍କ ଭଉଣି ହେଉଛନ୍ତି ରୁବୈୟା । କିଛିଦିନ ତଳେ କୋର୍ଟରେ ହାଜର ହେବା ପାଇଁ ରୁବୈୟାଙ୍କୁ ନୋଟିସ୍ ଦିଆଯାଇଥିଲା । ସେ ବର୍ତ୍ତମାନ ତାମିଲନାଡୁରେ ରହୁଛନ୍ତି । ସୂଚନାଥାଉକି ୩୨ ବର୍ଷ ପୂର୍ବେ ଅର୍ଥାତ ୧୯୮୯ ମସିହା ଡିସେମ୍ବର ୮ ତାରିଖରେ ରୁବୈୟାଙ୍କ ଅପହରଣ ହୋଇଥିଲା । ତାଙ୍କୁ ମୁକୁଳାଇବା ପାଇଁ ୧୯ ଡିସେମ୍ବରରେ ସରକାରଙ୍କୁ ବାଧ୍ୟ ହୋଇ ୫ ଆତଙ୍କବାଦୀଙ୍କୁ ଛାଡିବାକୁ ପଡିଥିଲା । ସେ ସମୟରେ ରୁବୈୟାଙ୍କ ପିତା ମୁଫ୍ତି ମହମ୍ମଦ ସୟଦ ଭାରତ ସରକାରରେ ଗୃହମନ୍ତ୍ରୀ ଥିଲେ ।

ଆଜି କୋର୍ଟରେ ପହଞ୍ଚିବା ପରେ ରୁବୈୟାଙ୍କ ଓକିଲ କହିଥିଲେ ଯାଞ୍ଚ ସମୟରେ ସିବିଆଇକୁ ଦେଇଥିବା ବୟାନ ଉପରେ କାଏମ ଅଛନ୍ତି ରୁବୈୟା । ଫଟୋ ଆଧାରରେ ୟାସିନ ମଲିକ ଏବଂ ତାର ସାଥିମାନଙ୍କୁ ଚିହ୍ନଟ କରିଥିଲେ । ୩୧ ବର୍ଷ ପରେ ଅର୍ଥାତ ଗତ ବର୍ଷ ଜାନୁଆରୀରେ ମଲିକ ଏବଂ ଅନ୍ୟ ୯ ଜଣଙ୍କ ବିରୋଧରେ କୋର୍ଟରେ ମାଲମରା ଶୁଣାଣି ଆରମ୍ଭ ହୋଇଥିଲା । ମମଲାର ଆଗାମୀ ଶୁଣାଣି ୨୩ ଅଗଷ୍ଟରେ ହେବ । ଆଗାମୀ ତିରଖରେ ମଧ୍ୟ ରୁବୈୟା କୋର୍ଟରେ ଉପସ୍ଥିତ ହେବେ। ସୂଚନାଥାଉକି ଟେରର ଫଣ୍ଡିଂ ମାମଲାରେ ପୂର୍ବରୁ ଏନଆଇଏ କୋର୍ଟ ୟାସିନକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।