Xiaomiର ଦୁଇଟି ଶସ୍ତା ଫୋନ୍ Redmi9 ଓ Redmi9A ଆଜି ହେବ ଲଞ୍ଚ… ୪ଟି କ୍ୟାମେରା ସହ ମିଳିବ ଏହି ସବୁ ଦମଦାର୍ ଫିଚର୍ସ

ନୂଆଦିଲ୍ଲୀ: Xiaomi ଆଜି ରେଡମି ୯ ସ୍ମାର୍ଟଫୋନ୍ ଲଂଚ କରିବ । କମ୍ପାନୀ ଏହି ଫୋନ୍ ର ଗ୍ଲୋବାଲ ମଡେଲ ପ୍ରଥମରୁ ଲଞ୍ଚ କରିସାରିଛି । ଏହା ୩ଟି ଭ୍ୟାରିଏଣ୍ଟରେ ଆସେ । ଏଥିମଧ୍ୟରୁ ଇଣ୍ଡିୟାନ୍ ଟିପ୍ସଟର ସୁଧାନ୍ସୁ ନିଜ ଟୁଇଟରରେ ପୋଷ୍ଟ କରିଛନ୍ତି ଯେ, କମ୍ପାନୀ ଏହି ଫୋନ୍ ସହ ରେଡମି 9A ମଧ୍ୟ ଲଂଚ କରିପାରେ । ଏହା କମ୍ପାନୀର ଏଣ୍ଟ୍ରି ଲେଭଲ ଫୋନ୍ ହେବ । ଏହାକୁ ବଜେଟ୍ ସେଗମେଣ୍ଟରେ ଲଂଚ କରାଯିବ । ଏବେ ଏହି ଫୋନ୍ ଚୀନ୍ ରେ ଲଂଚ ହେବ ।

ଭାରତରେ ଏହି ଫୋନ୍ ଲଂଚ ହେବା ନେଇ କୌଣସି ଘୋଷଣା କରାଯାଇନାହିଁ । ଏହି ଫୋନ୍ ରେ ମିଡିୟାଟେକ୍ ହେଲିୟୋ G80 SOC ପ୍ରୋସେସର ଓ ପାୱର ପାଇଁ ଦମଦାର ୮୦୨୦ mahର ବ୍ୟାଟରୀ ରହିଛି । ଯାହା ୧୮w ଫାଷ୍ଟ ଚାର୍ଜିଂ ସ୍ପୋର୍ଟ ସହ ଆସୁଛି । ରେଡମି ୯ରେ A1 ଫେସ୍ ଅନଲକ୍ ରିୟର ଫିଙ୍ଗରପ୍ରିଣ୍ଟ ସେଂସର ରହିଛି । ସ୍ମାର୍ଟଫୋନର ରିୟର ପ୍ୟାନଲରେ କ୍ୱାଡ କ୍ୟାମେରା ସେଟଅପ ରହିଛି ।

ଏଥିରେ ୧୩ ମେଗାପିକ୍ସଲର ପ୍ରାଇମେରୀ ସେନ୍ସର ବ୍ୟତୀତ ୮ ମେଗାପିକ୍ସଲ, ୫ ମେଗାପିକ୍ସଲ ଓ ୨ ମେଗାପିର୍ସଲର ସେନ୍ସର ରହିଛି । ଏହାର ଦାମ ପାଖାପାଖି ୧୨,୮୦୦ରୁ ଆରମ୍ଭ। 4GB ରାମ + 64GB ଷ୍ଟୋରେଜ୍ ର ଦାମ ପାଖାପାଖି ୧୫,୩୦୦ରୁ ଆରମ୍ଭ । ଏହି ଫୋନ୍ ୩ଟି ରଂଗରେ ଉପଲବ୍ଧ ହେବ । ଅପସେନ୍ସ ଗ୍ରୀନ୍, ସନସେଟ୍ ପର୍ପଲ ଓ କାର୍ବନ ଗ୍ରେ ରଂଗରେ ବଜାରରେ ଉବଲବ୍ଧ ହେବ ।

ରିପୋର୍ଟ ଅନୁସାରେ ଫୋନ୍ ଆପ୍ରୁଭାଲ ପାଇଁ ଏହାକୁ ୟୁଏସ୍ ର ଫେଡରାଲ କମ୍ୟୁନିକେଶନ୍ କମିଶନ୍(FCC) ପଠାଯାଇଛି । FCC ଲିଷ୍ଟିଂରୁ ଫୋନ୍ ର କିଛି ଫିଚର୍ସ ବିଷୟରେ ମଧ୍ୟ ଜଣାପଡିଛି । ଏହି ଫୋନ୍ ର ଖାସ କଥା ହେଉଛି 4,900mAhର ଦମଦାର ବ୍ୟାଟରୀ ଓ ଏହାର ଦାମ । ଫୋନ୍ ରେ ୧୩ ମେଗାପିକ୍ସଲର ସିଙ୍ଗଲ ରିୟର କ୍ୟାମେରା ଦିଆଯାଇଛି । ସେଲ୍ଫି ପାଇଁ ଫୋନ୍ ରେ ୫ ମେଗାପିକ୍ସଲର ଫ୍ରଣ୍ଟ କ୍ୟାମେରା ଦିଆଯାଇଛି । ରେଡମିର 9A ଫୋନ୍ ରେ 4900mAhର ବ୍ୟାଟରୀ ରହିବ ଯାହା 10W ଫାଷ୍ଟ ଚାର୍ଜିଂ ସହ ଆସିବ । ଏହା ସହ ଏହି ଫୋନ୍ ୪ଜି ନେଟୱାର୍କ ସପୋର୍ଟ ସହ ଲଞ୍ଚ କରାଯିବ ।