ବଦଳିଲା ଚୀନ ଇତିହାସ: ତୃତୀୟ ଥର ରାଷ୍ଟ୍ରପତି ହେଲେ ଜିନପିଙ୍ଗ

ବେଜିଂ: ବଦଳିଲା ଚୀନ ଇତିହାସ । ପୁରୁଣା ନିୟମ ବଦଳି ତୃତୀୟ ଥର ପାଇଁ ରାଷ୍ଟ୍ରପତି ହେଲେ ସି ଜିନପିଙ୍ଗ । ତୃତୀୟ ଥର ରାଷ୍ଟ୍ରପତି ହେବା ପରେ ପରୋକ୍ଷରେ ଚୀନର ସୁପରମାସିକୁ ବିଶ୍ବରରେ ପ୍ରତିଷ୍ଠା କରିବାକୁ ଦେଲେ ଇସାରା । ଏହାସହ କହିଲେ- ବିଶ୍ବର ବିନା ସହଯୋଗରେ ଚୀନ ବି ବିକାଶ କରିପାରିବନି ।

ଐତିହାସିକ ଭାବେ ତୃତୀୟ ଥର ଲାଗି ରାଷ୍ଟ୍ରପତି ହେବା ସହ ଚୀନ କମ୍ୟୁନିଷ୍ଟ ପାର୍ଟିର ସାଧାରଣ ସମ୍ପାଦକ ହୋଇଥିବା ଜିନପିଙ୍ଗ କହିଛନ୍ତି, ୪୦ ବର୍ଷର ସଂସ୍କାର ପରେ ଦେଶରେ ଦ୍ରୁତ ଅର୍ଥନୈତିକ ବିକାଶ ହେବା ସହ ସାମାଜିକ ସ୍ଥିରତା ପ୍ରତିଷ୍ଠା ହୋଇପାରିଛି । ଦଳର ସାମଗ୍ରିକ ନେତୃତ୍ବକୁ ଶକ୍ତିଶାଳୀ କରିବା ସକାଶେ ସମ୍ବିଧାନ ସଂଶୋଧନର ଆବଶ୍ୟକତା ଥିଲା ।

ଏହାସହ ସଂଗ୍ରାମ କ୍ଷେତ୍ରରେ ପଛଘୁଞ୍ଚା ନଦେଇ ବିଜୟ ଲାଭ କରିବାକୁ ଆହ୍ବାନ ଦେଇଛନ୍ତି ଜିନପିଙ୍ଗ । ବେଜିଂର ଗ୍ରେଟ ହଲରେ ହୋଇଥିବା ସପ୍ତାହେ ବ୍ୟାପୀ ସମ୍ମିଳନୀରେ ପ୍ରାୟ ୨ ହଜାର ୩୦୦ ପାର୍ଟି ପ୍ରତିନିଧି ଜିନପିଙ୍ଗଙ୍କୁ ପୁନର୍ବାର ରାଷ୍ଟ୍ରପତି ଭାବେ ନିର୍ବାଚିତ କରିବା ସଂକ୍ରାନ୍ତ ପ୍ରସ୍ତାବକୁ ସମର୍ଥନ ଜଣାଇଥିଲେ । ଏହାସହ ୨୦୦ ଜଣିଆ ସେଣ୍ଟ୍ରାଲ କମିଟି ଓ ୨୫ ସଦସ୍ୟ ବିଶିଷ୍ଟ ସର୍ବକ୍ଷମତାଶାଳୀ ପିଲିଟିବ୍ୟୁରୋ ମଧ୍ୟ ନିର୍ବାଚିତ ହୋଇଥିଲେ ।