ଚୀନକୁ ସର୍ବ ଶକ୍ତିମାନ ରାଷ୍ଟ୍ରରେ ପରିଣତ କରିବାକୁ ଜିନ୍ପିଙ୍ଗ୍ଙ୍କ ଆହ୍ୱାନ: ଏଲିଟ ଫୋର୍ସ ଗଠନ ପାଇଁ ଦେଲେ ନିର୍ଦ୍ଦେଶ
1 min read
ନୂଆଦିଲ୍ଲୀ: ବିଶ୍ୱବିଜୟୀ ହେବାକୁ ବ୍ଲୁ-ପ୍ରିଣ୍ଟ । ଚୀନକୁ ସର୍ବ ଶକ୍ତିମାନ ରାଷ୍ଟ୍ରରେ ପରିଣତ କରିବାକୁ ରାଷ୍ଟ୍ରପତି ସି ଜିନପିଙ୍ଗଙ୍କ ଆହ୍ୱାନ । ଏଲିଟ ଫୋର୍ସ ଗଠନ ଲାଗି ଦେଇଛନ୍ତି ନିର୍ଦ୍ଦେଶ । ଯେ କୌଣସି ଯୁଦ୍ଧ ଲଢିବା ଓ ଜିତିବା ଲାଗି ସୈନ୍ୟ ବାହିନୀକୁ ପ୍ରସ୍ତୁତ କରିବା ଲାଗି ସେ ନିର୍ଦ୍ଦେଶନାମା ଜାରି କରିଛନ୍ତି । ଚୀନର ରାଷ୍ଟ୍ରପତି ତଥା ସେଣ୍ଟ୍ରାଲ ମିଲିଟାରି କମିଶନର ଅଧ୍ୟକ୍ଷ ଭାବେ ଜିନପିଙ୍ଗଙ୍କ ଏହି ନିର୍ଦ୍ଦେଶ ବିଭିନ୍ନ ସମ୍ଭାବନା ପ୍ରତିପାଦିତ କରୁଛି ।
ନୂଆବର୍ଷରୁ ଦେଶର ସୀମା ଆଇନ କାର୍ଯ୍ୟକାରୀ କରିଥିବା ଜିନପିଙ୍ଗ ପ୍ରତିରକ୍ଷା ବିଭାଗକୁ ଅଧିକ ଆଧୁନିକୀକରଣ କରିବା ସହ ଏହାକୁ ଅଧିକ ଶକ୍ତିଶାଳୀ କରିବା ଲାଗି ନିର୍ଦ୍ଦେଶ ଦେଇଛନ୍ତି । ୨୦ ଲକ୍ଷ ସୈନ୍ୟ ବିଶିଷ୍ଟ ଚୀନର ସାମରିକ କ୍ଷମତାକୁ ବିଶ୍ୱରେ ନମ୍ବର ଓ୍ୱାନ କରିବା ଲାଗି ସେ ଚାହିଁଛନ୍ତି । ଅତ୍ୟାଧୁନିକ ପ୍ରଯୁକ୍ତି ଓ ଯୁଦ୍ଧ କୌଶଳ, ଯେକୌଣସି ବିପଦର ମୁକାବିଲା ଲାଗି ସେ ଆହ୍ୱାନ ଦେଇଛନ୍ତି । ଯୁଦ୍ଧ ଜିତିବା ଲାଗି ସୈନ୍ୟମାନେ ଯେପରି ସମସ୍ତ ପ୍ରକାର ନୈତିକତା ହାସଲ କରିବେ, ସେମାନଙ୍କୁ ଯେପରି ସମସ୍ତ କ୍ଷେତ୍ରରେ ଉଚିତ ପ୍ରଶିକ୍ଷଣ ଦିଆଯାଇପାରିବ, ଉନ୍ନତ ଜ୍ଞାନ କୌଶଳ ଯୋଗାଇ ଦିଆଯିବ, ସେଦିଗରେ ପ୍ରସ୍ତୁତ ହେବାକୁ ସେ ନିର୍ଦ୍ଦେଶ ଦେଇଛନ୍ତି । ଏହା ସହ ଏକ ଏଲିଟ ଫୋର୍ସ ଗଠନ ଲାଗି ନିର୍ଦ୍ଦେଶ ଦେଇଛନ୍ତି ଜିନପିଙ୍ଗ ।
ଏଥିସହିତ ପଢ଼ନ୍ତୁ: ଆସନ୍ତା ସପ୍ତାହରୁ ଭାରତୀୟ ବଜାରରେ ଉପଲବ୍ଧ ହେବ କରୋନା ଔଷଧ ମଲନୁପିରାଭିର
