ଦେଶରେ ୨ ପ୍ରକାରର କରୋନା ! ଜାଣନ୍ତୁ କାହିଁକି ଗୁଜୁରାଟ ଏବଂ ଇନ୍ଦୋରରେ ମୃତ୍ୟୁସଂଖ୍ୟା ଅଧିକ ?

ନୂଆଦିଲ୍ଲୀ: ଦେଶରେ ଘୁ ଘୁ ହୋଇ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ଏନେଇ ରାଜ୍ୟର ଚିନ୍ତା ବଢାଉଛି କରୋନା ଦିନ ବଢିବା ସହ ସଂକ୍ରମିତଙ୍କ ସଂଖ୍ୟା ମଧ୍ୟ ବଢୁଛି । ଏହି ଧାରାରେ ସବୁଠୁ ଆଗରେ ରହିଥିବା ରାଜ୍ୟ ହେଉଛି ଗୁଜୁରାଟ ଏବଂ ମଧ୍ୟପ୍ରଦେଶ । ମଧ୍ୟପ୍ରଦେଶରେ ଇନ୍ଦୋରର ଅବସ୍ଥା ଅତ୍ୟନ୍ତ ସଙ୍କଟାପର୍ଣ୍ଣ । ବିଶେଷଜ୍ଞଙ୍କ ଅନୁଯାୟୀ, ଯଦି ଗୁଜୁରାଟ ଏବଂ ଇନ୍ଦୋରରେ କରୋନା ସଂକ୍ରମିତଙ୍କ ମୃତ୍ୟୁ ସଂଖ୍ୟାକୁ ଦେଖିବା, ତେବେ ଏହାର କାରଣ ଚୀନ୍‌ର ଉହାନ ସହର ସହିତ ସିଧାସଳଖ ଜଡିତ ଥିବା ଜଣାପଡିଛି । ଗୁଜୁରାଟର ବାୟୋଟେକ୍ନୋଲୋଜି ରିସର୍ଚ୍ଚ ସେଣ୍ଟର (GBRC)ର ନିର୍ଦ୍ଦେଶକ ଜିସି ଯୋଶୀ କହିଛନ୍ତି ଯେ ଆମେ କରୋନାର ଗଠନକୁ ଡିକୋଡିଂ କରିଛୁ । ଏଥିରେ ତାହାର ତିନୋଟି ମ୍ୟୁଟେସନ୍ ରହିଇଛି । ଅର୍ଥାତ୍ ଦେଶରେ ତିନୋଟି ଭିନ୍ନ ପ୍ରକାରର କରୋନା ଭାଇରସ୍ ଷ୍ଟ୍ରେନ୍ ଅଛି ।

ଜୋଶୀ କହିଛନ୍ତି ଯେ ଗୁଜୁରାଟରେ ବ୍ୟାପିଥିବା ଭାଇରସ୍ ଏଲ-ଷ୍ଟ୍ରେନ୍ ହୋଇପାରେ । ଏହି ଷ୍ଟ୍ରେନ ଚାଇନାର ଉହାନ ସହରରେ ବ୍ୟାପି ଥିଲା। ଯେଉଁଥିପାଇଁ ଉହାନରେ ଅଧିକ ଲୋକଙ୍କର ମୃତ୍ୟୁ ହୋଇଥିଲା । ବର୍ତ୍ତମାନ ଗୁଜୁରାଟରେ ଅବସ୍ଥା ଠିକ୍ ସେହିପରି ।

ଜିସି ଯୋଶୀଙ୍କ ଅନୁଯାୟୀ, ଗୁଜୁରାଟରେ ଏଲ୍ ଷ୍ଟ୍ରେନ୍ କରୋନା ଭାଇରସ ପାଇଁ ୧୫୦ରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏହାସହ ମଧ୍ୟପ୍ରଦେଶର ଇନ୍ଦୋର ସହରରେ ୫୭ ଜଣଙ୍କର ମୃତ୍ୟୁ ହୋଇଛି । ଏଠାରେ ମଧ୍ୟ ଉହାନ ଭଳି ଭାଇରସ ଥିବାର ଆଶଙ୍କା କରାଯାଉଛି । ତେଣୁ ଇନ୍ଦୋରରୁ ନମୁନାକୁ ଜମା କରି ପୁଣେର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲଜିକୁ ପଠାଯାଉଛି।

ସର୍ବଶେଷରେ ଏଲ- ଷ୍ଟ୍ରେନ୍ କରୋନା ଭାଇରସ୍ କ’ଣ ? ଏହା ଏସ ଷ୍ଟ୍ରେନ୍ ଠାରୁ କିପରି ଭିନ୍ନ ? ଆସନ୍ତୁ ଜାଣିବା, ଦେଶରେ କରୋନା ଭୂତାଣୁଙ୍କର ତିନୋଟି ଷ୍ଟ୍ରେନ୍ ଦେଖିବାକୁ ମିଳିଛି । ଏଥିରୁ ଦୁଇଟି ଷ୍ଟ୍ରେନ୍ ସାଂଘାତିକ ଅଛି ।

ସେଗୁଡ଼ିକ ହେଲା ଏଲ-ଷ୍ଟ୍ରେନ୍ ଏବଂ ଏସ୍- ଷ୍ଟ୍ରେନ୍ । ଉହାନରେ ବ୍ୟାପିଥିବା ଭାଇରସ ହେଉଛି ଏଲ- ଷ୍ଟ୍ରେନ୍, ଯାହା ଅଧିକ ବିପଦଜନକ । ଏହି କାରଣରୁ, ଅସୁସ୍ଥ ବ୍ୟକ୍ତିଙ୍କର ମୃତ୍ୟୁ ହେବାର ସମ୍ଭାବନା ଅଧିକ ରହିଛି ।

ଏସ୍- ଷ୍ଟ୍ରେନ୍ ଭାଇରସ୍ ଏଲ- ଷ୍ଟ୍ରେନର ମ୍ୟୁଟେସନ୍ ଦ୍ୱାରା ତିଆରି ହୋଇଛି । ତେଣୁ ଏହା କମ୍ ମାରାତ୍ମକ । କେରଳର ଅଧିକାଂଶ ରୋଗୀ ଦୁବାଇରୁ ଆସିଥିଲେ ଯେଉଁଠାରେ ଏସ- ଷ୍ଟ୍ରେନ୍ ଅଛି । ତେଣୁ କେରଳରେ କମ୍ ଲୋକଙ୍କର ମୃତ୍ୟୁ ହୋଇଛି । ଆମେରିକାରୁ ଗୁଜୁରାଟରେ ଅଧିକ ଲୋକ ଆସୁଥିଲେ । ତେଣୁ ଆମେରିକାରେ ଥିବା ଏଲ- ଷ୍ଟ୍ରେନ୍ ଗୁଜୁରାଟରେ ଅଧିକ ବ୍ୟାପିଛି । ତେଣୁ ଗୁଜୁରାଟରେ କରୋନାରେ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା ମଧ୍ୟ ଅଧିକ ।

ଚୀନ୍, ୟୁରୋପ ଏବଂ ଆମେରିକାର ଷ୍ଟ୍ରେନ୍ ଏବେ ଭାରତରେ ପହଞ୍ଚିଛି । ୟୁରୋପରେ ବ୍ୟାପିଥିବା ଏହି ଭାଇରସ୍ ଆମେରିକାର ତୁଳନାରେ ସାମାନ୍ୟ କମ୍ ମାରାତ୍ମକ ବୋଲି କୁହାଯାଉଛି । ବିଶେଷଜ୍ଞମାନେ ସ୍ପଷ୍ଟ କରିଛନ୍ତି ଯେ କରୋନା ଭାଇରସର ସମସ୍ତ ଷ୍ଟ୍ରେନ୍ ସାଂଘାତିକ । ଯଦି କୌଣସି ବ୍ୟକ୍ତିଙ୍କର ପୂର୍ବରୁ କିଛି ରୋଗ ଅଛି ତେବେ କୌଣସି ବି ଦୁର୍ବଳ ଷ୍ଟ୍ରେନ୍ ମଧ୍ୟ ତାଙ୍କ ପାଇଁ ମାରାତ୍ମକ ହୋଇପାରେ ।