ନନ୍ଦିଘୋଷ ବ୍ୟୁରୋ :ଭୁଲ ସାଲାଇନ ନେଲା ଶିକ୍ଷକଙ୍କ ଜୀବନ। ଗଞ୍ଜାମ ଜିଲ୍ଲା ପାଣ୍ଡିରିପଡା ଗାଁରେ ଘଟିଛି ଅଭାବନୀୟ ଘଟଣା। ସୂଚନାଅନୁସାରେ ପାଣ୍ଡିରିପଡା ଗାଁ ଗୌଡ ସାହିର ଜଣେ ନକଲି ଡାକ୍ତର ଜଣେ ଶିକ୍ଷକ ଅସୁସ୍ଥତା ଥିବା ବେଳେ ଭୁଲ ସାଲାଇନ ଦେବା ଫଳରେ ଶିକ୍ଷକଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ ଶିକ୍ଷକ ଜଣକ ରାଇପଡା ଗାଁର ରମେଶ ପ୍ରଧାନ । ଏନେଇ ପରିବାର ଲୋକେ ମୃତ ଦେହକୁ ନକଲି ଡାକ୍ତରର ଘର ସମ୍ମୁଖରେ ରଖି ପ୍ରତିବାଦ କରିଥିଲେ । ଖବରପାଇ ଘଟଣାସ୍ଥଳରେ ପୋଲିସ ପହଁଚି ଘଟଣାର ତଦନ୍ତ କରୁଥିବା ବେଳେ ନକଲି ଡାକ୍ତରଙ୍କ ପରିବାର ବର୍ଗ ଚମ୍ପଟ ମାରିଥିବାର ଅଭିଯୋଗ ହୋଇଛି ।
