ଆଜିଠାରୁ ଓ୍ବାଲର୍ଡ ସ୍କିଲସରେ ପ୍ରତିଯୋଗିତା ଆରମ୍ଭ; ୧୪୦୦ ପ୍ରତିଯୋଗୀ ଭାଗ ନେଇଛନ୍ତି

ନନ୍ଦିଘୋଷ ବ୍ୟୁରୋ : ଆଜିଠାରୁ ଓ୍ବାଲର୍ଡ ସ୍କିଲସରେ ପ୍ରତିଯୋଗିତା ଆରମ୍ଭ ହୋଇଛି । ଦକ୍ଷତା ବିକାଶର ଏହି ମେଗା ଇଭେଣ୍ଟ କୌଣସି ଅଲମ୍ପିକସରୁ କମ୍ ନୁହେଁ । ସାରା ବିଶ୍ବରୁ ପ୍ରତିଯୋଗୀ ଆସି ଫ୍ରାନସର ଲିୟୋନ ସହରରେ ଥିବା ୟୁରୋ ଏକ୍ସପୋରେ ଏକତ୍ରିତ ହୋଇଛନ୍ତି । ଆଗାମୀ ଚାରି ଦିନ ଯାଏ ସେମାନେ ନିଜର ପ୍ରୋଜେକ୍ଟ ଉପରେ କାମ କରିବେ । ୭୦ ଦେଶର ୧୪୦୦ ପ୍ରତିଯୋଗୀ ୬୨ ଟି କ୍ଷେତ୍ରରେ ନିଜ ଦକ୍ଷତା ଦେଖାଉଛନ୍ତି । ଆସନ୍ତା ୧୫ ତାରିଖରେ ସେମାନଙ୍କୁ ପୁରସ୍କୃତ କରାଯିବ । ସମସ୍ତଙ୍କ ଲକ୍ଷ୍ୟ ଆସନ୍ତା ସେପ୍ଟେମ୍ବର ୧୫ ତାରିଖରେ ବିଜୟୀ ହୋଇ ନିଜ ଦେଶ ପାଇଁ ନୂଆ ସମ୍ଭାବନା ସୃଷ୍ଟି କରିବା । କାରଣ ଏହା ଜରିଆରେ ସେମାନେ ନିଜକୁ ସମୟର ବେଷୟିକ ମୋଡ଼ରେ ସଫଳତା ସହ ଠିଆ କରି ପାରିବେ । ଅନ୍ୟ ଦେଶ ତୁଳନାରେ ଦକ୍ଷତା ବିକାଶରେ ଭାରତ ସମାନ୍ୟ ପଛରେ ରହିଛି । କାରଣ ବହୁ ବିଳମ୍ବରେ ଏଠାରେ ଏହାକୁ ଗ୍ରହଣ କରାଗଲା । ବିଳମ୍ବରେ ହେଲେ ବି ଭାରତରେ ମଧ୍ୟ ଏହା କିଛିଟା ସୁଯୋଗ ସୃଷ୍ଟି କରୁଛି ।

ସେପଟେ ରୋବଟ ସିଷ୍ଟମ ଇଣ୍ଟିଗ୍ରେସନରୁ ଆରମ୍ଭ କରି ଆଧୁନିକ ବୈଷୟିକ ପ୍ରଣାଳୀରେ ଇଟା ନିର୍ମାଣ କରିବାରେ ଭାରତୀୟ ପ୍ରତିଯୋଗୀ ସମସ୍ତଙ୍କ ମନ ଛୁଇଁ ଚାଲିଛନ୍ତି । ଏପରି ଭାବେ ୬୦ ଜଣ ପ୍ରତିଯୋଗୀ କେବଳ ଭାରତର । ୩ଡି ଡିଜିଟାଲ ଗେମ୍, ବ୍ରିକ୍ ଲେୟିଂ, ବେକରି, ବ୍ୟୁଟି ଥେରାପି, ସ୍ବୟଂଶାସିତ ମୋବାଇଲ୍ ରୋବୋଟିକସ୍, ଓ୍ବଲଡିଂ ପରି କ୍ଷେତ୍ରରେ ସେମାନେ ନିଜ ପ୍ରୟାସ ଜାରି ରଖିଛନ୍ତି ।