ପ୍ରେମରେ ଉବୁଟୁବୁ ବିଲ୍ ଗେଟ୍ସଙ୍କ ୧୯ ବର୍ଷିୟା ଝିଅ ଫୋବେ

ନନ୍ଦିଘୋଷ ବ୍ୟୁରୋ: ବିଶ୍ୱର ଚତୁର୍ଥ ଧନୀ ବ୍ୟକ୍ତି ତଥା ମାକ୍ରୋସଫ୍ଟ ସଂସ୍ଥାପକ ବିଲ ଗେଟ୍ସଙ୍କ ଝିଅ ଫୋବେ ଗେଟ୍ସ ଏବେ ପ୍ରେମରେ ପଡ଼ିଛନ୍ତି । ୧୯ ବର୍ଷିୟା ଫୋବେ ଜଣେ ଅଶ୍ୱେତ ଯୁବକଙ୍କ ପ୍ରେମରେ ପଡ଼ି ଉବୁଟୁବୁ । ନିଜ ବଏଫ୍ରେଣ୍ଡଙ୍କ ସହ ନୂଆ ଫଟୋ ସେୟାର କରି ସେ ଟ୍ରୋଲର୍ସଙ୍କୁ ଜବାବ ଦେଇଛନ୍ତି । ପୂର୍ବରୁ ଫୋବେ ବଏଫ୍ରେଣ୍ଡଙ୍କ ସହ ଏକ ଫଟୋ ଇନଷ୍ଟାଗ୍ରାମରେ ପୋଷ୍ଟ କରିଥିଲେ । ଏହି ଫଟୋ କାରଣରୁ କିଛି ସୋସିଆଲ ମିଡିଆ ୟୁଜର୍ସ ଖରାପ କମେଣ୍ଟ କରିଥିଲେ । ଅଲଗା ଜାତିର ପୁଅକୁ ଭଲ ପାଇଥିବାରୁ ତାଙ୍କୁ ସମାଲୋଚନାର ଶିକାର ହେବାକୁ ପଡିଥିଲା । ଏହାପରେ ଫୋବେ ପୁଣିଥରେ ନିଜ କଥିତ ପ୍ରେମିକଙ୍କ ସହ ଫଟୋ ପୋଷ୍ଟ କରି ସମାଲୋଚକଙ୍କୁ କଡା ଜବାବ ଦେଇଛନ୍ତି । ନିକଟରେ ପୋଷ୍ଟ କରିଥିବା ଫଟୋରେ ଜଣେ ଯୁବକ ଫୋବେଙ୍କୁ କିସ୍ କରୁଥିବାର ଦେଖାଯାଇଛି ।

ଫୋବେ ଏବେ ଷ୍ଟାନଫୋର୍ଡ ୟୁନିଭର୍ସିଟିରେ ପାଠ ପଢୁଛନ୍ତି । ଏକ ଖବର ଅନୁଯାୟୀ, ଏହି ନୂଆ ଫଟୋଟି ଲଣ୍ଡନରେ ରାତି ସମୟରେ ଉଠାଯାଇଛି । ଫଟୋ ସେ ସମୟରେ ଉଠାଯାଇଛି ଯେବେ ଫୋବେ ମାଁ ମିଲିନ୍ଦାଙ୍କ ସହ ଗତ ସପ୍ତାହରେ ୱିମ୍ୱଲଡନ ଦେଖିବାକୁ ଯାଇଥିଲେ । ଅଶ୍ୱେତ ଯୁବକଙ୍କ ସହ ପ୍ରେମକୁ ନେଇ ଜଣେ ସୋସିଆଲ ମିଡିଆ ୟୁଜର ଲେଖିଥିଲେ ବିଲ୍ ଗେଟ୍ସଙ୍କ ଝିଅକୁ ଅଶ୍ୱେତ ବଏଫ୍ରେଣ୍ଡ ମିଳିଯାଇଛି । ଆଉ ଜଣେ ଲେଖିଛନ୍ତି ଦୁଇଜଣଙ୍କୁ ନିକଟତର ଦେଖି ବିଲ୍ ଗେଟ୍ସ ରାଜି ହେବେନି । ତେବେ ବିଲ୍ ଗେଟ୍ସଙ୍କର ଫୋବେଙ୍କୁ ଛାଡି ଆଉ ଦୁଇ ସନ୍ତାନ ଅଛନ୍ତି । ଫୋବେ ସବୁଠୁ ସାନ । ସବୁଠୁ ବଡ଼ ହେଉଛନ୍ତି ତାଙ୍କ ଝିଅ ଜେନିଫର କ୍ୟାଥରିନ ଗେଟସ ଏବଂ ପୁଅ ରୋରି ଜନ ତାଙ୍କର ଦ୍ୱିତୀୟ ସନ୍ତାନ ।