ଦୁନିଆର ସବୁଠୁ ଦାମି ଔଷଧ, ଦାମ୍ ଜାଣିଲେ ଉଡିଯିବ ହୋସ୍

ନୂଆଦିଲ୍ଲୀ: ଆମେରିକାର ଫେଡେରାଲ ଡ୍ରଗ୍ ଆଡମିନିଷ୍ଟ୍ରେସନ ଏକ ଔଷଧକୁ ଦୁନିଆର ସବୁଠୁ ଦାମି ଔଷଧର ମାନ୍ୟତା ଦେଇଛନ୍ତି । ଏହି ଔଷଧର ଦାମ ହେଲା ୨୮.୫୧ କୋଟି ଟଙ୍କା । ଏହି ଔଷଧ ହିମୋଫେଲିଆ-ବି ରୋଗରେ ପିଡୀତ ଥିବା ରୋଗୀଙ୍କୁ ଦିଆଯାଏ । ଏହା ଏକ ଜେନେଟିକ୍ ରୋଗ ।

ବୈଜ୍ଞାନିକଙ୍କ କହିବା କଥା ହେଲା ଏହି ଔଷଧ ରୋଗକୁ ଠିକ୍ କରିଥାଏ । ରୋଗକୁ ଆଖି ଆଗରେ ରଖି ଏହି ମେଡିସିନ ତିଆରି କରାଯାଇଛି । ଔଷଧର ନାଁ ହେଲା ‘ହେମଜେନିକ୍ସ’ । ଯେତେବେଳେ କୌଣସି ରୋଗୀଙ୍କ ଶରୀରରେ ରକ୍ତ ତିଆରି ହେବା ପ୍ରକ୍ରିୟା ଧିମା ହୋଇଯାଇଥାଏ । ଥରେ ରକ୍ତ ପ୍ରବାହ ହେଲେ ବନ୍ଦ ହୁଏ ନାହିଁ । ସେତେବେଳେ ଏହି ଔଷଧ କାମ ଦେଇଥାଏ । ଏଥିପାଇଁ ଏହି ଔଷଧକୁ ତିଆରି କରାଯାଇଛି ।

ପୁରୁଷ ଏହି ରୋଗରେ ଅଧିକ ପିଡୀତ ହୋଇଥାନ୍ତି ।  ସାରା ଦୁନିଆରେ ଏହି ରୋଗରେ କେତେଜଣ ପିଡୀତ ଅଛନ୍ତି ତାହା ଜଣାପଡ଼ିନାହିଁ । କିନ୍ତୁ ଆମେରିକାରେ ପ୍ରାୟ ୮ ହଜାର ହିମୋଫେଲିଆ ରୋଗୀ ଅଛନ୍ତି ।

ଏହି ରୋଗର ଚିକିତ୍ସା କରିବା ଏତେ ମହଙ୍ଗା ଯେ, ସବୁ ଲୋକ ଚିକିତ୍ସା କରାଇ ପାରନ୍ତି ନାହିଁ । ଏହି ରୋଗରେ ଅଧିକ ପିଡ଼ୀତ ଥିବା ରୋଗୀ ପାଇଁ ଔଷଧର ବହୁତ ଆବଶ୍ୟକ ଥାଏ । ଏକ ରିସର୍ଚ୍ଚରୁ ଜଣାପଡ଼ିଛି ଯେ, ଜଣେ ରୋଗୀ ତା’ ଜୀବନରେ ୧୭୧ରୁ ୧୮୭ କରୋଡ ଯାଏ ରୋଗ ପାଇଁ ଖର୍ଚ୍ଚ କରିଦିଏ ।