ଦୁବାଇରେ ହେବ ବିଶ୍ଵର ବୃହତ ବିମାନବନ୍ଦର, ଏହି ଏୟାରପୋର୍ଟରେ ରହିବ ୪୦୦ ଗେଟ

ଆବୁଧାବି: ଦୁବାଇରେ ହେବ ବିଶ୍ଵର ବୃହତ ବିମାନବନ୍ଦର। ବିଶ୍ଵର ସବୁଠାରୁ ବଡ଼ ବିମାନବନ୍ଦର ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ଏହି ଏୟାରପୋର୍ଟରେ ରହିବ ୪୦୦ଟି ଗେଟ। ବିମାନ ଅବତରଣ ଲାଗି ସମାନ୍ତରାଳ ଭାବେ ୫ଟି ରନୱେର ନିର୍ମାଣ କରାଯିବ। ଦୁବାଇ ବିମାନ ବନ୍ଦରରେ ବାର୍ଷିକ ଯାତାୟାତ କରିପାରିବେ ୨୬ କୋଟିରୁ ଅଧିକ ଯାତ୍ରୀ।

ଏହି ବିମାନ ବନ୍ଦର ନିର୍ମାଣ ଲାଗି ପାଖାପାଖି ୩୫ ଶହ କୋଟି ଆମେରିକୀୟ ଡଲାରର ଖର୍ଚ୍ଚ ହେବ। ଭାରତୀୟ ମୁଦ୍ରାରେ ଖର୍ଚ୍ଚ ହେବ ୩ ଲକ୍ଷ ୧୫ ହଜାର କୋଟିରୁ ଅଧିକ ଟଙ୍କା।ୟୁଏଇ ପ୍ରଧାନମନ୍ତ୍ରୀ ଶେଖ ମହମ୍ମଦ ବିନ ରଶିଦ ଏହି ଘୋଷଣା କରିଛନ୍ତି। ଆସନ୍ତା ୧୦ ବର୍ଷ ମଧ୍ୟରେ ଏହି ବିମାନବନ୍ଦର ପୂର୍ଣ୍ଣ ଭାବେ କାର୍ଯ୍ୟକ୍ଷମ ହେବ।