୧୦ ଦଫା ଦାବିରେ ମଜଦୁର ସଂଘର ଗଣଧାରଣା

ରାଉରକେଲା: ନୂଆ ମଜୁରୀ ଚୁକ୍ତିନାମା ତୁରନ୍ତ କାର୍ଯ୍ୟକାରୀ କରିବା ସହ ୧୦ ଦଫା ଦାବିରେ ଆଜି ରାଉରକେଲା ମଜଦୁର ସଂଘ ପକ୍ଷରୁ ଗଣଧାରଣା ଦିଆଯାଇ ଆନ୍ଦୋଳନ କରାଯାଉଛି । ରାଉରକେଲା ଇସ୍ପାତ କାରଖାନା ଫାଟକ ସମ୍ମୁଖ ଵିଶ୍ରାଛକ ଠାରେ ଗଣଧାରଣା ଦିଆଯାଇ ଆନ୍ଦୋଳନ କରୁଛନ୍ତି କର୍ମଚାରୀ ।

ଇସ୍ପାତ କାରଖାନା କର୍ମଚାରୀଙ୍କ ନୂତନ ମଜୁରୀ ଚୁକ୍ତିନାମା ତୁରନ୍ତ କାର୍ଯ୍ୟକାରୀ କରିବା, କରୋନାରେ ମୃତ୍ୟୁ ବରଣ କରିଥିବା କର୍ମଚାରୀଙ୍କ ପରିବାରକୁ ଅନୁକମ୍ପାମୂଳକ ନିଯୁକ୍ତି ଓ ଷତିପୁରଣ ପ୍ରଦାନ କରିବା, ସ୍ୱାସ୍ଥ୍ୟ ସେବାର ଉନ୍ନତି ଓ କ୍ୱାର୍ଟର ମରାମତି ସହିତ ଅନ୍ୟାନ୍ୟ ଦାବିରେ ଗଣଧାରଣା ଦେଇଛନ୍ତି କର୍ମଚାରୀ । ସେଲ ଅଧିନରେ ଦେଶର ବିଭିନ୍ନ ଇସ୍ପାତ କାରଖାନାରେ କାର୍ଯ୍ୟ କରୁଥିବା କର୍ମଚାରୀମାନଙ୍କ ସହିତ ରାଉରକେଲା ଇସ୍ପାତ କାରଖାନାରେ କାର୍ଯ୍ୟ କରୁଥିବା କର୍ମଚାରୀମାନେ ବି ଧାରଣାରେ ସାମିଲ ହୋଇଛନ୍ତି ।