ସେତୁ ନିର୍ମାଣ ବେଳେ କ୍ରେନ୍ ବକେଟ୍ ଖସି ଶ୍ରମିକ ମୃତ

ବଣାଇ: ସେତୁ ନିର୍ମାଣ କାର୍ଯ୍ୟ ଚାଲିଥିବା ବେଳେ ଅଘଟଣ । କ୍ରେନ୍ ବକେଟ ଖସି ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ବଣାଇ ଉପଖଣ୍ଡର ତେଣ୍ଡରା-ବଡ଼ଗାଁକୁ ସଂଯୋଗ କରୁଥିବା ସେତୁ ନିର୍ମାଣ କାର୍ଯ୍ୟ ବେଳେ ଏହି ଦୁର୍ଘଟଣା ଘଟିଛି । ଶ୍ରମିକ କାମ କରୁଥିବା ବେଳେ ତାଙ୍କ ଉପରେ କ୍ରେନ୍ ବକେଟ ଖସି ପଡ଼ିଥିଲା । ଶ୍ରମିକ ଜଣଙ୍କୁ ବଣାଇ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି ।

ମୃତ ଶ୍ରମିକ ଜଣଙ୍କ ପାଲଲହଡ଼ା ସାରଗଡ଼ର ୪୦ ବର୍ଷୀୟ କାର୍ତ୍ତିକ ନାୟକ । ମୃତକଙ୍କ ଶବକୁ ମର୍ଗ ହାଉସରେ ରଖାଯାଇଛି । ଶ୍ରମିକଙ୍କ ମୃତ୍ୟୁ ପରେ ଉତ୍ତେଜନା ଆଶଙ୍କ କରି ପୋଲିସ ପ୍ରଶାସନ ପଦକ୍ଷେପ ନେଇଛି ।