ବନ୍ଦ ଆଖିରେ ଜାଣି ପାରୁଛନ୍ତି ରଙ୍ଗ, ପଢ଼ୁଛନ୍ତି ଖବରକାଗଜ

ଧର୍ମଗଡ଼: ସୃଜନଶୀଳ ସପ୍ତମ ଶ୍ରେଣୀ ଛାତ୍ର । ଆଖିରେ ଅନ୍ଧପୁଟୁଳି ବାନ୍ଧି ଅନେକ କାର୍ଯ୍ୟ କରିପାରୁଛନ୍ତି । ବହି ପଢ଼ିବା ଠାରୁ ଆରମ୍ଭ କରି ସାଇକେଲ୍ ଚଳାଇବା, ରଙ୍ଗ ଚିହ୍ନିବା ସହିତ ଟଙ୍କା ମଧ୍ୟ ଗଣି ପାରୁଛନ୍ତି । ସପ୍ତମ ଶ୍ରେଣୀର ଛାତ୍ରଙ୍କ ଏଭଳି କାମକୁ ନେଇ ଆଶ୍ଚର୍ଯ୍ୟ ଅଞ୍ଚଳବାସୀ ।

ଉପାନ୍ତ ଅଞ୍ଚଳର ଅଦ୍ଭୁତ ବାଳକ । ଆଖି ବନ୍ଦ କରି କରୁଛନ୍ତି ସମସ୍ତ କାର୍ଯ୍ଯ । ବହି ପଢିବା ଠାରୁ ଆରମ୍ଭ କରି ସାଇକେଲ୍ ଚଳାଇବା ପର୍ଯ୍ୟନ୍ତ, ସବୁ କିଛି ଆଖିରେ ପଟି ବାନ୍ଧି କରି ପାରୁଛନ୍ତି । କଳହାଣ୍ଡି ଜିଲ୍ଲା ଧର୍ମଗଡ଼ ହାତୀପଖାନ ଗାଁର ରୋହିତ ସେନାପତି । ରଙ୍ଗ ଚିହ୍ନିବା ସହ ଖବରକାଗଜକୁ ମଧ୍ୟ ଅତି ସହଜରେ ପଢି ପାରୁଛନ୍ତି । ୫ ମିନିଟରେ ବିଶ୍ୱର ୨୦୦ଟି ସହରର ନାମ କହି ସମସ୍ତ ଚକିତ କରୁଛନ୍ତି ସପ୍ତମ ଶ୍ରେଣୀର ଛାତ୍ର । ତେବେ ଉପାନ୍ତ ଅଞ୍ଚଳର ଏଭଳି ଅନନ୍ୟ ପ୍ରତିଭା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି ।

ପ୍ରାରମ୍ଭରୁ ଦୁର୍ବଳ ଶ୍ରେଣୀଭୁକ୍ତ ଛାତ୍ର ଥିଲେ ରୋହିତ । ସ୍ମୃତି ଶକ୍ତ ପ୍ରଖର ନଥିବାରୁ ଚିନ୍ତାରେ ଥିଲେ ବାପା-ମାଆ । ପରେ ପୁଅର କ୍ରିଏଟିଭ୍ ନଲେଜ୍ ବଢାଇବା ପାଇଁ କୋରାପୁଟ ଜୟପୁରରେ ଏକ ଶିକ୍ଷା ଅନୁଷ୍ଠାନରେ ୩ ମାସର କୋର୍ସ କରାଇଥିଲେ । ଏବେ ଆଖି ବନ୍ଦ କରି ରୋହିତ ସବୁକିଛି କରିପାରୁଥିବା ବେଳେ ପୁଅର ଏଭଳି କାମକୁ ନେଇ ଗର୍ବିତ ପରିବାର ଲୋକ ।