ବିଶ୍ୱ ମହିଳା ଦିବସରେ ଆରମ୍ଭ ହେଲା ନନ୍ଦିଘୋଷ ଟିଭିର ସ୍ୱତନ୍ତ୍ର କାର୍ଯ୍ୟକ୍ରମ ଦୁହିତା -

ଭୁବନେଶ୍ୱଣ: ଆଜି ହେଉଛି ବିଶ୍ୱ ମହିଳା ଦିବସ। ଏହି ଅବସରରେ ନନ୍ଦିଘୋଷ ଟିଭି ପକ୍ଷରୁ ଦିନ ୧୧ଟାରୁ ସ୍ବତନ୍ତ୍ର କାର୍ଯ୍ୟକ୍ରମ ଦୁହିତାର ଆରମ୍ଭ ହୋଇଛି। ପ୍ରଥମେ ପ୍ରଦୀପ ପ୍ରଜ୍ୱଳନ ପରେ ଆରମ୍ଭ ହୋଇଥିଲା କାର୍ଯ୍ୟକ୍ରମ ଦୁହିତା। କର୍ଯ୍ୟକ୍ରମ ଆରମ୍ଭରୁ ପ୍ରଥମେ ପଦ୍ମଶ୍ରୀ ଓଡ଼ିଶୀ ନୃତ୍ୟଶିଳ୍ପୀ ଏଲିଆନା ଓଡ଼ିଶୀ ନୃତ୍ୟ ପରିବେଷଣ କରିଥିଲେ। ଏହାପରେ ପଦ୍ମଶ୍ରୀ ଏଲିଆନାଙ୍କୁ ନନ୍ଦିଘୋଷ ଟିଭି ଏବଂ ସକାଳର ମୁଖ୍ୟ ତଥା ରାଜ୍ୟ ସରକାରଙ୍କର ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ସମ୍ମାନିତ କରିଥିଲେ। ଏହା ପରେ ଆରମ୍ଭ ହୋଇଛି ଦୁହିତାର ପ୍ରଥମ ସେଗମେଣ୍ଟ ନାରୀ ପ୍ରଗତିର ସଂରକ୍ଷଣ ଜରୁରି କି ?। ଏହି ସେଗମେଣ୍ଟରେ ମଞ୍ଚ ପରିଚାଳନା କରିଥିଲେ ଗାୟତ୍ରୀ ମହିନ୍ତି ଏବଂ ଶୁଭଲକ୍ଷ୍ମୀ ଜେନା। ପ୍ରଥମ ସେଗମେଣ୍ଟରେ ପ୍ୟାନେଲିଷ୍ଟ ରହିଛନ୍ତି ସଂହମିତ୍ରା ପତି ଡ଼ାଇରେକ୍ଟର ଆରଏମ୍‌ଆର୍‌ସି, କଣ୍ଠଶୀଳ୍ପି ତୃପ୍ତି ଦାଶ, ଜୟନ୍ତି ଏକା ସଭାପତି ଏସ୍‌ଏସ୍‌ଜି, ମାଲା ମିଶ୍ର ଚେୟାର ପର୍ସନ ଡିପିଏସ୍‌ କଳିଙ୍ଗ।