ମହିଳା ବିଶ୍ୱକପ: ଭାରତର ଦମଦାର ଆରମ୍ଭ, ପାକିସ୍ତାନକୁ ୧୦୭ ରନରେ ହରାଇଲା ଭାରତ

ନ୍ୟୁଜିଲାଣ୍ଡ: ପୁଣି ହାରିଲା ପାକିସ୍ତାନ । ମହିଳା ଦିନିକିଆ ବିଶ୍ୱକପରେ ପୁଣି ପରାଜୟର ସ୍ୱାଦ ଚାଖିଛି ପାକିସ୍ତାନ । ଫେବ୍ରୁଆରୀ ୪ରୁ ମହିଳି ଦିନିକିଆ ବିଶ୍ୱକପ ଆରମ୍ଭ ହୋଇଥିବାବେଳେ ଆଜି ଭାରତ ତା’ର ଅଭିଯାନ ଆରମ୍ଭ କରିଥିଲା । ଭାରତ ଆଜି ପ୍ରଥମ ମ୍ୟାଚରେ ପାରମ୍ପାରିକ ପ୍ରତିଦ୍ୱନ୍ଦୀ ପାକିସ୍ତାନକୁ ଭେଟିଥିଲା । ଏହି ମ୍ୟାଚରେ ଭାରତ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଟିମ୍ ଇଣ୍ଡିଆ । ବ୍ୟାଟିଂ ଆରମ୍ଭରୁ ଭଲ ପ୍ରଦର୍ଶନ କରିପାରିନଥିଲା ଟିମ୍ ଇଣ୍ଡିଆ । ଭାରତୀୟ ଓପନର ଶେଫାଳୀ ବର୍ମା ଖାତା ଖୋଲି ନପାରି ପ୍ୟାଭିଲିୟନ ଫେରିଥିଲେ । ଏହା ଦଳର ପାରିକୁ ସମ୍ଭାଳିଥିଲେ ସ୍ମ୍ରିତି ମାନ୍ଧାନା ଓ ଦିପ୍ତି ଶର୍ମା । ଉଭୟ ଦ୍ୱିତୀୟ ଓ୍ୱିକେଟ ପାଇଁ ୯୨ ରନର ପାର୍ଟନରସିପ୍ କରିଥିଲେ । ଏହି ଦୁଇ ବ୍ୟାଟ୍ସମ୍ୟାନ ଆଉଟ ହେବା ପରେ ଲଗାତର ଭାବରେ ଭାରତ ଓ୍ୱିକେଟ ହରାଇଥିଲା । ମାତ୍ର ୧୧୪ ରନରେ ଭାରତ ୬ ଓ୍ୱିକେଟ ହରାଇଥିଲା । ତେବେ ଟିମ୍ ଇଣ୍ଡିଆକୁ ଏହି ସଙ୍କଟରୁ ଉଦ୍ଧାର କରିଥିଲେ ସ୍ନେହା ରଣା ଓ ପୂଜା । ଉଭୟଙ୍କ ଶତକୀୟ ପାର୍ଟନରସିପ୍ ପାଇଁ ଭାରତ ପାକିସ୍ତାନ ସାମ୍ନାରେ ୨୪୫ର ଟାର୍ଗେଟ ରଖିପାରିଥିଲା ।

That's that from #INDvPAK game at #CWC22.

Pakistan are bowled out for 137 in 43 overs.#TeamIndia WIN by 107 runs.

Scorecard – https://t.co/ilSub2ptIC #INDvPAK #CWC22 pic.twitter.com/jmP7xCPowi

— BCCI Women (@BCCIWomen) March 6, 2022

୨୪୫ ରନର ଟାର୍ଗେଟ ନେଇ ପଡ଼ିଆକୁ ଓହ୍ଲାଇଥିବା ପାକିସ୍ତାନ ମାତ୍ର ୧୩୭ ରନ କରିବାରେ ସକ୍ଷମ ହୋଇଥିଲା । ଭାରତୀୟ ବୋଲରଙ୍କୁ ସାମ୍ନା କରିପାରିନଥିଲେ ପାକ୍ ବ୍ୟାଟ୍ସମ୍ୟାନ । ଭାରତ ପକ୍ଷରୁ ରାଜେଶ୍ୱରୀ ଗାଇକ୍ୱେଏଡ ୪ଟି ଓ୍ୱିକେଟ ନେଇଥିବାବେଳେ ସ୍ନେହା ରଣା ଓ ଝୁଲଣ ଗୋସ୍ୱାମୀ ୨ଟି ଓ୍ୱିକେଟ ଅକ୍ତିଆର କରିଥିଲେ । ସେହିପରି ମେଘ୍ନା ସିଂ ଓ ଦିପ୍ତି ଶର୍ମା ଗୋଟିଏ ଲେଖାଏଁ ଓ୍ୱିକେଟ ଅକ୍ତିଆର କରିଥିଲେ । ତେବେ ଏହି ମ୍ୟାଚରେ ଭାରତ ବିଜୟଲାଭ କରିବା ସହ ତା’ର ରେକର୍ଡ ବଜାୟ ରଖିଛି । ମହିଳା ବିଶ୍ୱକପରେ ଭାରତ ପାକିସ୍ତାନ ବିପକ୍ଷରେ ତା’ର ଅପରାଜୟ ଧାରା ଜାରି ରଖିଛି ।