ଗଛକୁ ରାକ୍ଷୀ ବାନ୍ଧିଲେ ମହିଳା; ଗଛକୁ ସୁରକ୍ଷା ଦେବାକୁ ନିଆରା ପ୍ରୟାସ

ଗଛକୁ ରାକ୍ଷୀ ବାନ୍ଧିଲେ ମହିଳା। ଗଛ ନିକଟରେ ମହିଳାମାନେ ଏକତ୍ରିତ ହୋଇ ହୁଳହୁଳି ହାତରେ ବନ୍ଦାପନା ଥାଳି ଧରି ଗଛକୁ ରାକ୍ଷୀ ବାନ୍ଧିଛନ୍ତି। ପୁରୀ ଅସ୍ତରଙ୍ଗ ଗୁଣ୍ଡଳବା ଗାଁର ମହିଳା ବୃକ୍ଷ ସୁରକ୍ଷା ପାଇଁ ଶପଥ ନେଇଛନ୍ତି। ଗଛ ବଞ୍ଚିଲେ ଦୁନିଆ ବଞ୍ଚିବ ନାରା ଦେଇ ମହିଳା ମାନେ ଗଛ ହିଁ ଆମର ଭାଇ ବୋଲି କହି ରାକ୍ଷୀ ବାନ୍ଧିଛନ୍ତି।

ବୃକ୍ଷ ପୂଜା ଭାରତୀୟ ସଂସ୍କୃତିର ପ୍ରାଚୀନ ପରମ୍ପରା। ଜନ୍ମରୁ ମୃତ୍ୟୁ ପର୍ଯ୍ୟନ୍ତ ଗଛ ଆମର ସହଯୋଗ କରିଥାଏ ବୋଲି ମହିଳା କହିଛନ୍ତି। ଗଛ ବିନା ସଂସାରର କଳ୍ପନା କରାଯାଇ ପାରେନି, ତେଣୁ ଗଛ ସୁରକ୍ଷା ପାଇଁ ସରକାରୀ ଓ ବେସରକାରୀ ସ୍ତରରେ ଉଦ୍ୟମ କରାଯାଉଛି। ଗୁଣ୍ଡଳବା ଭିଏସଏସର ମହିଳା ମାନେ ଗଛରେ ରାକ୍ଷୀ ବାନ୍ଧି ପରିବେଶ ସଚେତନତାର ବାର୍ତ୍ତା ଦେଇଛନ୍ତି।