ରାଜଧାନୀରେ ସ୍ତ୍ରୀକୁ ମାରି ସ୍ୱାମୀ ହାଜତରେ ଭର୍ତ୍ତି

ଭୁବନେଶ୍ୱର: ଭୁବନେଶ୍ୱର କାର୍ଗିଲ ବସ୍ତିରେ ହତ୍ୟାକାଣ୍ଡ । ପତ୍ନିଙ୍କୁ ମାରିଲା ସ୍ୱାମୀ ହାଜତରେ ଅଟକ । ମୃତ ମହିଳା ଶକୁନ୍ତଳା ମାଝୀ । ହତ୍ୟାକାରୀ ସ୍ୱାମୀକୁ ଅଟକ ରଖିଛି ପୋଲିସ । ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବାବେଳେ ପାରିବାରିକ ଝଗଡାରୁ ହତ୍ୟା କରିଥିବା ସନ୍ଦେହ କରାଯାଉଛି । ଏୟାପୋର୍ଟ ଅଞ୍ଚଳରେ ଏହି ହତ୍ୟାକାଣ୍ଡ ଘଟିଥିବାବେଳେ ଭୁବନେଶ୍ୱର ଡିସିପି ପହଞ୍ଚି ସ୍ଥିତିର ଅନୁଧ୍ୟାନ କରିଛନ୍ତି । ତେଲେ କରୋନା ପାଇଁ କିଛି ଦିନ ହେଲା ଶାନ୍ତ ଥିବା ରାଜଧାନୀ ପୁଣି ଅଶାନ୍ତି ହୋଇଛି । ଛିନତାଇ ଠାରୁ ହତ୍ୟା ଏବେ ପୋଲିସ ପାଇଁ ଚ୍ୟାଲେଞ୍ଜ ହୋଇଛି । ଡିସିପି ମଧ୍ୟ ହତ୍ୟା ନେଇ ଟ୍ୱିଟ୍‌ କରିଛନ୍ତି ।

ସୂଚନା ଅନୁଯାୟୀ, ସ୍ୱାମୀ ସ୍ତ୍ରୀଙ୍କ ମଧ୍ୟରେ ବିଭିନ୍ନ ସମୟରେ କଳହ ଲାଗି ରହୁଥିବା ସୂଚନା ମିଳିଛି । ତେବେ ଆଜି ସନ୍ଧ୍ୟାରେ ପୂର୍ବ ଭଳି ସ୍ୱାମୀ ଏବଂ ସ୍ତ୍ରୀଙ୍କ ମଧ୍ୟରେ କଳହ ଲାଗି ରହିଥିଲା ସ୍ଥାନୀୟ ଲୋକେ କହିଥିଲେ । ତେବେ ଏଭଳି ଝଗଡ଼ାରେ ଉତକ୍ଷିପ୍ତ ହୋଇ ସ୍ତ୍ରୀକୁ ଏକ ଧାରୁଆ ଅସ୍ତ୍ରରେ ପ୍ରହାର କରିଥିଲା ସ୍ୱାମୀ । ଘଟଣା ସ୍ଥଳରେ ମହିଳାଙ୍କର ମୃତ୍ୟୁ ହୋଇଥିଲା । ସେପଟେ ମହିଳାଙ୍କ ଚିତ୍କାର ଶୁଣି ଲୋକେ ପୋଲିସ୍‌କୁ ଖବର ଦେଇଥିଲେ । ଘଟରା ସ୍ଥଳରେ ଏୟାର ପୋର୍ଟ ପୋଲିସ ପହଞ୍ଚି ଘଟଣାର ପ୍ରାଥମିକ ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ବ୍ୟକ୍ତିକୁ ଅଟକ ରଖିଛି । ମୃତ ମହିଳାଙ୍କ ଶବକୁ ଉଦ୍ଧାର କରି ବ୍ୟବଛେଦ ପାଇଁ ଡାକ୍ତରଖାନାକୁ ପଠାଇଛି ।

(ଅରୁଣ କୁମାର ସାହୁ)

Leave a Reply