ଉଲଗ୍ନ ଦୁଇ ମହିଳାଙ୍କୁ ଉଦ୍ଧାର ଘଟଣାରେ ନୂଆମୋଡ଼, ଦୁଷ୍କର୍ମ ନୁହେଁ ମାନସିକ ଭାରସାମ୍ୟ ହରାଇଛନ୍ତି

ରାଉରକେଲା: ସୁନ୍ଦରଗଡ଼ରୁ ଉଲଗ୍ନ ଅବସ୍ଥାରେ ଦୁଇ ମହିଳାଙ୍କୁ ଉଦ୍ଧାର ଘଟଣାରେ ନୂଆମୋଡ଼ । ଦୁଷ୍କର୍ମ ନୁହେଁ, ମାନସିକ ଭାରସାମ୍ୟ ହରାଇ ଉଭୟ ଘରୁ ପଳାଇ ଆସିଥିବା ମହିଳାଙ୍କ ପରିବାର ଲୋକ କହିଛନ୍ତି । ସେମାନଙ୍କ ଘର ଝାଡ଼ଖଣ୍ଡ ନୁହେଁ, ଛତିଶଡ଼ରେ ବୋଲି ସୁନ୍ଦରଗଡ଼ ପୋଲିସ ସୂଚନା ଦେଇଛି । ପରିବାର ଲୋକ ଚିହ୍ନଟ କରିବା ପରେ ସୁନ୍ଦରଗଡ଼ ଟାଉନ୍ ଥାନାରେ ମହିଳାଙ୍କ ବଡ ଭଉଣୀ ଓ ଝିଅଙ୍କର ବୟାନ ରେକର୍ଡ କରାଯାଇଛି ।

ପୋଲିସ ସୂଚନା ଅନୁସାରେ, ଦୁଇ ମହିଳାଙ୍କ ଘର ଛତିଶଗଡ଼ ତୁମଲା ଥାନା ଖାରିବହାଲ ଗାଁରେ । ସ୍ବାମୀଙ୍କ ମୃତ୍ୟୁ ପରେ ମାଆ-ଝିଅ ମାନସିକ ଭାରସାମ୍ୟ ହରାଇବସିଛନ୍ତି । ୮ ବର୍ଷ ହେଲା ସେମାନଙ୍କ ମାନସିକ ଅବସ୍ଥା ଭଲ ନାହିଁ । ୪ ଦିନ ତଳେ ଉଭୟ ଘରୁ କେଉଁଆଡ଼େ ଚାଲିଯାଇଥିଲେ । ସୁନ୍ଦରଗଡ଼ରୁ ଉଭୟଙ୍କୁ ଉଲଗ୍ନ ଅବସ୍ଥାରେ ଉଦ୍ଧାର କରାଯାଇଥିଲା । ସେମାନଙ୍କ ମାନସିକ ଅବସ୍ଥା ଠିକ ନଥିବାବେଳେ ଦିଅର ଦୁଷ୍କର୍ମ କରିଥିବା ନେଇ ସାଂଘାତିକ ଅଭିଯୋଗ ଆଣିଥିଲେ ମହିଳା ।

ଉଭୟଙ୍କ ପରିଚୟ ଚିହ୍ନଟ ପାଇଁ ସୁନ୍ଦରଗଡ଼ ପୋଲିସ ବିଭିନ୍ନ ଥାନାକୁ ସେମାନଙ୍କ ଫଟୋ ପଠାଇଥିଲା । ପରିବାର ଲୋକ ଚିହ୍ନଟ କରିବା ପରେ ପୋଲିସ ଘଟଣାର ଅଧିକ ତଦନ୍ତ କରୁଛି ।