ପାଇଖାନାରୁ ମିଳିଲା ଝୁଲନ୍ତା ମୃତଦେହ, ପରିବାର ଲୋକ କହିଲେ ଯୌତୁକ ପାଇଁ କରାଯାଇଛି ହତ୍ୟା

ସୁବର୍ଣ୍ଣପୁର: ବିବାହିତା ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତ ମହିଳା ପ୍ରିୟବତୀ ମହାଲିକ । ଶ୍ୱଶୁର ଘର ଲୋକଙ୍କ ବିରୋଧରେ ମହିଳାଙ୍କ ପରିବାର ଲୋକେ ଆଣିଲେ ଯୌତୁକ ଜନିତ ହତ୍ୟା ଅଭିଯୋଗ ।

ସୁବର୍ଣ୍ଣପୁର ଜିଲ୍ଲା କୁକିଆ ଗାଁର ପ୍ରିୟବତୀ ମହାଲିକଙ୍କ ଝୁଲନ୍ତା ମୃତଦେହ ପାଇଖାନା ଭିତରୁ ଉଦ୍ଧାର କରାଯାଇଛି । ଗତ ୪ବର୍ଷ ତଳେ ପ୍ରିୟବତୀ, କୁକିଆ ଗାଁର ବାବୁଲା ତରିଆଙ୍କୁ ବିବାହ କରିଥିଲେ । ଆଜି ମହିଳାଙ୍କ ସନ୍ଦେହଜନକ ମୃତ୍ୟୁ ପରେ ପରିବାର ଲୋକେ, ଶ୍ୱଶୁର ଘର ବିରୋଧରେ ଯୌତୁକ ଜନିତ ହତ୍ୟା ଅଭିଯୋଗ ଆଣିଛନ୍ତି । ଏନେଇ ମୃତ ପ୍ରିୟବତୀଙ୍କ ବାପା ଉଲୁଣ୍ଡା ଥାନାରେ ଅଭିଯୋଗ କରିଛନ୍ତି । ପୋଲିସ ଶବ ଜବତ କରିବାସହ ତଦନ୍ତ ଆରମ୍ଭ କରିଛି ।