ଭୁବନେଶ୍ବରରେ ମହିଳାଙ୍କ ମୃତ୍ୟୁ; ପରିବାର ଆଣିଲେ ହତ୍ୟା ଅଭିଯୋଗ
ଭୁବନେଶ୍ବର: ରାଜଧାନୀ ଭୁବନେଶ୍ବରରେ ବଧୂହତ୍ୟା ଅଭିଯୋଗ। ଏୟାରଫିଲ୍ଡ ଥାନା ଅରବିନ୍ଦ ନଗରରେ ଗତକାଲି ପ୍ରିୟଙ୍କା ମିଶ୍ରଙ୍କ ମୃତଦେହ ମିଳିବା ପରେ ବାପଘର ଲୋକ ହତ୍ୟା ଅଭିଯୋଗ ଆଣିଛନ୍ତି। ଜ୍ବାଇଁ ସୁରଜ ଦାସଙ୍କର ଅନ୍ୟ ଝିଅ ସହ ସମ୍ପର୍କ ଥିଲା। ଏହା ସହ ଶାଶୂ ଓ ଶ୍ବଶୁର ଅଧିକ ଯୌତୁକ ମାଗୁଥିଲେ। ବାପଘର ଟଙ୍କା ଦେଇ ନପାରିବାରୁ ମାରପିଟ କରୁଥିଲେ ଶାଶୂଘର ଲୋକ। ଏପରିକି ଗର୍ଭପାତ କରାଇବାକୁ କହୁଥିବା ନେଇ ସାଂଘାତିକ ଅଭିଯୋଗ ଆସିଛି । ଜୀବନରୁ ମାରିଦେବାକୁ ଧମକ ମଧ୍ୟ ଦେଉଥିବା କହିଛନ୍ତି ମୃତକଙ୍କ ଭଉଣୀ।
ସେପଟେ ଅଭିଯୋଗକୁ ଖଣ୍ଡନ କରିଛନ୍ତି ଶ୍ବଶୁର ଘର ଲୋକ। ଶ୍ବଶୁର ପ୍ରଦୀପ ଦାସଙ୍କ କହିବା ମୁତାବକ, ବୋହୂର ଅନ୍ୟ ପୁଅ ସହ ପ୍ରେମ ସମ୍ପର୍କ ଥିଲା । ଏହାକୁ କେନ୍ଦ୍ର କରି ବୋହୂ ଆତ୍ମହତ୍ୟା କରିଥିବା କହିଛନ୍ତି ଶ୍ବଶୁର ।
