ଘୋଡ଼ା ଚଢ଼ି ବିଧାନସଭା ଆସିଲେ ବିଧାୟିକା

ରାଞ୍ଚି: ଅନ୍ତର୍ଜାତୀୟ ମହିଳା ଦିବସରେ ନିଆରା ଅନ୍ଦାଜ । ପୂର୍ବରୁ ନିଆରା ଅନ୍ଦାଜ ପାଇଁ ଚର୍ଚ୍ଚାରେ ରହୁଥିବା କଂଗ୍ରେସ ବିଧାୟିକା ଅମ୍ବା ପ୍ରସାଦଙ୍କୁ ଆଜି ନୂଆ ରୂପରେ ଦେଖିବାକୁ ମିଳିଛି । ଘୋଡ଼ା ଚଢ଼ି ବିଧାନସଭା ଆସିଛନ୍ତି ଅମ୍ବା ପ୍ରସାଦ । ବଡ଼କାଗାଓଁ ଆସନରୁ ବିଧାୟିକା ଥିବା ଅମ୍ବା ବିଧାନସଭାକୁ ଘୋଡ଼ା ଚଢ଼ି ଆସିବା ବେଳେ ପରିସରକୁ ଯିବାକୁ ଅନୁମତି ଦିଆ ଯାଇନଥିଲା । ଫଳରେ ଘୋଡ଼ାକୁ ବାହାରେ ଛାଡ଼ି ବିଧାନସଭା ଭିତରକୁ ଯାଇଥିଲେ ।

ଅନ୍ତର୍ଜାତୀୟ ମହିଳା ଦିବସରେ ସେ ଗର୍ବ କରନ୍ତି । ପୂର୍ବ ଭଳି ମହିଳା ଦୁର୍ବଳ ନୁହନ୍ତି । କୌଣସି କ୍ଷେତ୍ରରେ ଦେଖି ନିଅନ୍ତୁ । ମହିଳାମାନେ କାହାରି ଠାରୁ ବି କମ୍ ନୁହଁନ୍ତି । ମହିଳା କେବଳ ଘର କାମ କରୁନାହାନ୍ତି, ପ୍ରତିଟି କ୍ଷେତ୍ରରେ ଉଲ୍ଲେଖନୀୟ ସଫଳତା ପାଉଥିବା କହିଛନ୍ତି ଅମ୍ବା ପ୍ରସାଦ ।

ଏଥିସହ ପଢ଼ନ୍ତୁ: ଆଜି ଅନ୍ତର୍ଜାତୀୟ ମହିଳା ଦିବସ, ବାଲୁକା କଳାରେ ମହିଳା ଦିବସର ଶୁଭେଚ୍ଛା ଜଣାଇଲେ ବାଲୁକା ଶିଳ୍ପୀ