ମହିଳା କୋର୍ଟର ବିଚାରପତି କୋଭିଡ୍ ସଂକ୍ରମିତ, ସିଲ୍ ହେଲା କୋର୍ଟରୁମ୍

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢ଼ି ଚାଲିଥିବା ବେଳେ ନାଲି କୋଠା ଛୁଇଁଛି କରୋନା । ଦିଲ୍ଲୀ ସାକେତ କୋର୍ଟ କମ୍ପ୍ଲେକ୍ସର ଜଣେ ବିଚାରପତି କରୋନା ଆକ୍ରାନ୍ତ ହୋଇଛନ୍ତି । ସାକେତ କୋର୍ଟ କମ୍ପ୍ଲେକ୍ସରେ ଥିବା ମହିଳା କୋର୍ଟର ବିଚାରିତି କରୋନା ସଂକ୍ରମିତ ହୋଇଥିବା ଜଣାପଡ଼ିଛି । କରୋନାରେ ଆକ୍ରାନ୍ତ ହୋଇଥିବା ଜଜ ଜଣଙ୍କ ଜୁନ୍ ୩ରେ କୋର୍ଟକୁ ଯାଇଥିଲେ । ତାଙ୍କଠାରେ କରୋନା ଭୂତାଣୁ ମିଳିଛି ।

ମହିଳା ବିଚାରପତି କରୋନା ସଂକ୍ରମିତ ଚିହ୍ନଟ ହେବା ପରେ ଜଜଙ୍କ କୋର୍ଟରୁମକୁ ସିଲ୍ କରାଯାଇଥି । କୋର୍ଟ ରେକର୍ଡ ଗୃହ, ବିଚାରପତିଙ୍କ ଚ୍ୟାମ୍ବରକୁ ମଧ୍ୟ ସାନିଟାଇଜ୍ କରାଯାଉଛି । ଜୁନ୍ ୩ରେ କୋର୍ଟ ଆସିଥିବା ସମସ୍ତ କର୍ମଚାରୀ ଓ ଓକିଲଙ୍କୁ ୧୪ ଦିନ ପାଇଁ ଆଇସୋଲେସନରେ ରହିବାକୁ ନିର୍ଦ୍ଦେଶ ଦିଆଯାଇଛି ।

ଏହା ପୂର୍ବରୁ ସାକେତ କୋର୍ଟ କମ୍ପ୍ଲେକ୍ସ ରେକର୍ଡ ରୁମର ଜଣଙ୍କ ଠାରେ କରୋନା ଭୂତାଣୁ ଚିହ୍ନଟ ହୋଇଥିଲା । ପୂର୍ବରୁ ରୋହିଣୀ ଜିଲ୍ଲା ଓ ଦୌରାଜଜ ମଧ୍ୟ କରୋନାରେ ଆକ୍ରାନ୍ତ ହୋଇଥିଲେ ।

https://nandighoshatv.com/study-says-lockdown-will-be-reimposed-in-india/