ମହିଳାଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ମରିଲେ ଯୁବକ, ସିସିଟିଭିରେ କଏଦ ହେଲା ସମସ୍ତ ଦୃଶ୍ୟ
ଭୁବନେଶ୍ୱର: ରାଜଧାନୀର ବିଚ୍ ରାସ୍ତାରେ ମହିଳାଙ୍କୁ ମାଡ଼ । ହୋଲିରେ ମହିଳାଙ୍କୁ ସଂଘବଦ୍ଧ ଆକ୍ରମଣ । କେବଳ ସେତିକି ନୁହେଁ ଗାଳିଗୁଲଜ କରିବା ସହ ବିଚ୍ ରାସ୍ତାରେ ମହିଳାଙ୍କୁ ଗୋଡ଼ାଇ ଗୋଡ଼ାଇ ମାରୁଛନ୍ତି କିଛି ଯୁବକ । ଗୋଇଠା,ବିଧା ସହ ମନଇଚ୍ଛା ମାଡ଼ । କ୍ଷଣକ ପାଇଁ ମଧ୍ୟ ଏହି ନୃସଂଶ ଚୁପ ରହୁନାହାଁନ୍ତି ।
ମାଡ଼ ଖାଇବା ପରେ ମହିଳା ଜଣଙ୍କ ତଳେ ପଡ଼ିଯାଉଛନ୍ତି । କିନ୍ତୁ ତଥାପି ଯୁବକ ମାନେ ଅଟକୁ ନାହାନ୍ତି । ଏହି ସଂଘବଦ୍ଧ ଆକ୍ରମଣର ସିସିଟିଭି ଭିଜୁଆଲ ଏବେ ସାମ୍ନାକୁ ଆସିଛି । ଆକ୍ରମଣର କାରଣ ଜମି ବିବାଦକୁ ନେଇ ହୋଇଥିବା ଜଣାପଡ଼ିଛି । ପୁରୁଣା ଭୁବନେଶ୍ୱରରେ ଥିବା ତରଙ୍ଗ କ୍ଲବର କିଛି ଯୁବକମାନେ ଜୋର ଜବରଦସ୍ତ ଜାଗା ମାଡ଼ି ବସିଥିବା ଅଭିଯୋଗ ହୋଇଛି । ମଙ୍ଗଳବାର ମହିଳାଙ୍କ ଘରେ କେହି ନ ଥିବା ବେଳେ ଆକ୍ରମଣ ହୋଇଥିଲା । ଏହା ପରେ ରାସ୍ତାରେ ମହିଳାଙ୍କୁ ସଂଘବଦ୍ଧ ଆକ୍ରମଣ ହୋଇଥିବା କୁହାଯାଉଛି । ତେବେ ଭିଡିଓଟି ପୁରୁଣା ଭୁବନେଶ୍ୱରର ହୋଇଥିବା ଜଣାପଡ଼ିଛି ।
