ଦେଖୁ ଦେଖୁ ଚପଲ ନେଇ ପଳାଇଲା ସାପ…

ନୂଆଦିଲ୍ଲୀ: ମାଙ୍କଡ, କୁକୁର କିମ୍ବା ଅନ୍ୟ କେହି ଚପଲ ନେଇ ଯିବାର ଆପଣ ଜାଣିଥିବେ । ହେଲେ କେବେ ସାପ ଚପଲ ନେଇ ଯିବାର ଜାଣିଛନ୍ତି କି ? ବନ ଅଧିକାରୀ ସେୟାର କରିଥିବା ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଦେଖାଯାଉଛି ସାପ ଉପରକୁ ଜଣେ ଚପଲ ପକାଉଛନ୍ତି । ଆଉ ସାପଟି ଚପଲକୁ କାମୁଡ଼ି ପଳାଉଛି । ପାଖରେ ଥିବା ଲୋକ ଜୋରରେ ପାଟି କରୁଛନ୍ତି । ସାପଟି ଲୋକଙ୍କ ପାଟି ଶୁଣି ପାଖରେ ଥିବା ବୁଦା ଭିତରକୁ ପଳାଉଛି ।

ଏହି ଭିଡିଓକୁ ଜଣେ ବନ ଅଧିକାରୀ ସେୟାର କରି ମଜା କଲା ଭଳି କ୍ୟାପ୍ସନ୍ ଦେଇଛନ୍ତି । ସେ ଲେଖିଛନ୍ତି ଯେ, ମୁଁ ଆଶ୍ଚର୍ଯ୍ୟ ଯେ, ସାପଟି ଚପଲ ନେଇ କରିବ କ’ଣ? ତାର ତ ଗୋଡ଼ ନାହିଁ ।

IFS ଅଧିକାରୀଙ୍କ ଏହି ଭିଡିଓକୁ ୧ ଲକ୍ଷରୁ ଅଧିକ ଲୋକ ଦେଖି ସାରିଲେଣି ।