ନନ୍ଦିଘୋଷ ବ୍ୟୁରୋ : ଭୁବନ ଢେଙ୍କାନାଳ ମୁଖ୍ୟ ରାସ୍ତା ଉପରେ ହବିଷ ପାଳିଲେ ମହିଳା। ରାସ୍ତା ଉପରେ ବାଲୁକା ପୂଜା କରି ହବିଷ କଲେ ମଣିପୁର ଗ୍ରାମର ଶତାଧିକ ମହିଳା ଫଳରେ ଭୁବନ ଢେଙ୍କାନାଳ ମୁଖ୍ୟ ରାସ୍ତାରେ ଗାଡି ଚଳାଚଳ ଦୀର୍ଘ ସମୟ ବନ୍ଦ ରହିଥିଲା। ଢେଙ୍କନାଳ ଜିଲ୍ଲାର ଭୁବନ ବ୍ଲକ ଏକତାଳି ପଞ୍ଚାୟତ ମଣିପୁର ଗ୍ରାମରେ ଘଟିଛି ଘଟଣା। ମଣିପୁର ଗ୍ରାମରେ ୨୭ କୋଟି ଟଙ୍କାର ନିର୍ମାଣାଧୀନ ସ୍ୱଚ୍ଛ ଜଳ ପ୍ରକଳ୍ପ ମେଘା ପ୍ରୋଜେକ୍ଟ କର୍ତ୍ତୃପକ୍ଷଙ୍କ ମନମାନି କାରଣରୁ ମଣିପୁର ଗ୍ରାମବାସୀ ନଦୀପଠାକୁ ଯିବା ପାଇଁ ଅସୁବିଧା ସମ୍ମୁଖୀନ ହେଉଛନ୍ତି। ବହୁବାର ରାସ୍ତା ପାଇଁ ଅଭିଯୋଗ କରିଛନ୍ତି । କିନ୍ତୁ ମେଘା ପ୍ରୋଜେକ୍ଟ ଏହାକୁ ଖାତିର ନକରି ନଦୀପଠାକୁ ସଂଯୋଗ କରୁଥିବା ରାସ୍ତାରେ ଭାରିଯାନ ଚଳାଇ ରାସ୍ତାକୁ ସମ୍ପୂର୍ଣ୍ଣ ନଷ୍ଟ କରିଦେଇଛି। ଫଳରେ ହବିଷ ମହିଳାମାନେ ବାଧ୍ୟହୋଇ ରାସ୍ତାରୋକ କରିଥିଲେ। ରାସ୍ତାର ଉଭୟ ପଟୁ ଶହଶହ ଗାଡି ଅଟକି ରହିବା କାରଣରୁ କାମାକ୍ଷାନଗର ବିଧାୟକ ଘଟଣା ସ୍ଥଳରେ ପହଞ୍ଚି ତୁରନ୍ତ ରାସ୍ତା ନିର୍ମାଣ ପାଇଁ ନିର୍ଦ୍ଦେଶ ଦେବା ସହ ମହିଳା ମାନଙ୍କୁ ବୁଝାସୁଝା କରିଛନ୍ତି ।
