ନ୍ୟାୟ ପାଇଁ ଶିଶୁ ପୁତ୍ରକୁ ଧରି ପ୍ରେମିକ ଘର ସାମ୍ନାରେ ଧାରଣାରେ ବସିଲେ ମହିଳା
ଗଞ୍ଜାମ: ବର୍ଷକର ଶିଶୁ ପୁତ୍ରକୁ ଧରି ନ୍ୟାୟ ପାଇଁ ପ୍ରେମିକ ଘର ସାମ୍ନାରେ ଧାରଣାରେ ବସିଲେ ମହିଳା । ବ୍ରହ୍ମପୁର ବଡ଼ ବଜାର ଦେଶୀ ବେହେରା ସାହିରେ ଦେଖିବାକୁ ମିଳିଛି ଏଭଳି ଦୃଶ୍ୟ । ବିବାହର ପ୍ରତିଶ୍ରୁତି ଦେଇ କେ ଦୀପାଙ୍କ ସହ ଦେଶୀ ବେହେରା ସାହିର କେ ଦିନେଶ ଶାରିରୀକ ସମ୍ପର୍କ ରଖିଥିଲେ। ପରେ ଯୁବତୀ ଜଣଙ୍କ ଗର୍ଭବତୀ ହେବାରୁ ବିବାହ ପାଇଁ କହିଥିଲେ ହେଲେ ଯୁବକ ଜଣକ ମନା କରିଦେଇଥିଲେ।
ତେବେ ବିବାହ ପାଇଁ ଯୁବକ ରାଜି ନହେବାରୁ ଟାଉନ ଥାନାରେ ଅଭିଯୋଗ କରିଥିଲେ ଦୀପା। ଯାହାପରେ ଦିନେଶଙ୍କୁ ଗିରଫ କରିଥିଲା ପୋଲିସ । ବର୍ତ୍ତମାନ ସେ ହାଇକୋର୍ଟରୁ ଜାମିନରେ ଆସିଛନ୍ତି । ହାଇକୋର୍ଟରେ ମାମଲା ଚାଲିଥିବା ବେଳେ ଦିନେଶ ଅନ୍ୟ ଏକ ଝିଅକୁ ବିବାହ କରୁଥିବା ଖବର ଶୁଣି ଘର ଦାଣ୍ଡରେ ମହିଳା ଜଣଙ୍କ ଧାରଣା ଦେଇଛନ୍ତି । ପତ୍ନୀର ମାନ୍ୟତା ଦେବାକୁ ଦାବି କରିଛନ୍ତି କେ ଦୀପିକା ।
ସେପେଟ ଦୀପାଙ୍କ ବିରୁଦ୍ଧରେ ଘର ଭିତରେ ଜୋର ଜବରଦସ୍ତ ପଶି ଯିବାକୁ ଉଦ୍ୟମ କରୁଥିବା ନେଇ ବଡ଼ ବଜାର ଥାନାରେ ଅଭିଯୋଗ କରିଛନ୍ତି ଦିନେଶଙ୍କ ପରିବାର । ବଡ଼ବଜାର ପୋଲିସ ପହଞ୍ଚି କେ ଦୀପାଙ୍କୁ ଘର ଭିତରୁ ବାହାରକୁ ଆଣିବା ସହ ଘଟଣାର ତଦନ୍ତ କରୁଛି ।
