ପରିବାରର ରକ୍ଷା କବଚ ନାରୀ, ସ୍ୱାମୀଙ୍କ ପକ୍ଷାଘାତ ପରେ ପତ୍ନୀ ସମ୍ଭାଳିଲେ ଭାର…
ଯାଜପୁର: ନାରୀ ଚାହିଁଲେ ସବୁକିଛି କରିପାରେ । ନିଜ ପରିବାର ପାଇଁ ପାଲଟିଯାଏ ରକ୍ଷା କବଚ । ଏମିତି ଏକ ଉଦାହରଣ ସୃଷ୍ଟି କରିଛନ୍ତି ଯାଜପୁର ଜିଲ୍ଲା ମହେଶ୍ୱରପୁର ଗାଁର ସଂଯୁକ୍ତା ଦାସ । ସ୍ୱାମୀ ପ୍ରମୋଦ ପକ୍ଷାଘାତରେ ପୀଡିତ ହେବା ପରେ ଦିଗହରା ହୋଇଯାଇଥିଲା ସଂଯୁକ୍ତାଙ୍କ ପୂରା ପରିବାର । ହେଲେ ବାଧାବିଘ୍ନକୁ ପଛରେ ପକାଇ ପରିବାର ପ୍ରତିପୋଷଣ ପାଇଁ ଆରମ୍ଭ କରିଥିଲେ ବଡ଼ି ବ୍ୟବସାୟ । ଆଜି ସେହି ବ୍ୟବସାୟ ତାଙ୍କୁ ସ୍ୱାବଲମ୍ବୀ କରିବା ସହ ଅଞ୍ଚଳରେ ଜଣେ ସଫଳ ବ୍ୟବସାୟୀ ଭାବେ ନିଜର ପରିଚୟ ସୃଷ୍ଟି କରି ପାରିଛନ୍ତି ।
ସ୍ୱାମୀ ପ୍ରମୋଦ ଥିଲେ ତାଙ୍କ ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି । ହେଲେ ହଠାତ୍ ତାଙ୍କୁ ପକ୍ଷାଘାତ ଶିକାର କଲା । ଫଳରେ ପରିବାରର ରୋଜଗାର ହଠାତ୍ ଠପ୍ ହେଇଗଲା । ଅର୍ଥାଭାବରୁ ଦିନକୁ ଦିନ ଦିଗହରା ହେବାକୁ ଲାଗିଲା ପରିବାର । ହେଲେ ବାଧାବିଘ୍ନକୁ ପଛରେ ପକାଇ ପରିବାର ପ୍ରତିପୋଷଣ ପାଇଁ ଆରମ୍ଭ କରିଥିଲେ ବଡ଼ି ବ୍ୟବସାୟ । ଆଜି ସେହି ବ୍ୟବସାୟ ତାଙ୍କୁ ସ୍ବାବଲମ୍ବୀ କରିବା ସହ ଅଞ୍ଚଳରେ ଜଣେ ସଫଳ ବ୍ୟବସାୟୀ ଭାବେ ନିଜର ପରିଚୟ ସୃଷ୍ଟି କରି ପାରିଛନ୍ତି ।
ସଂଯୁକ୍ତା କେବଳ ନିଜେ ସ୍ୱାବଲମ୍ବୀ ହୋଇପାରିଛନ୍ତି ତାହା ନୁହେଁ, ବରଂ ଆଉ କିଛି ମହିଳାଙ୍କୁ ଏଥିରେ ନିୟୋଜିତ କରି ରୋଜଗାରକ୍ଷମ କରାଇ ପାରିଛନ୍ତି । ଖୁବ୍ ଅଳ୍ପଦିନ ମଧ୍ୟରେ ଯାଜପୁର ସହ କେଉଁଝର, ଭଦ୍ରକ, କଟକ, କେନ୍ଦ୍ରାପଡ଼ା, ଜଗସିଂହପୁର ଆଦି ଜିଲ୍ଲାରେ ମଧ୍ୟ ତାଙ୍କ ବ୍ୟବସାୟର ବିସ୍ତାର କରିପାରିଛନ୍ତି । ଏଥିରେ ତାଙ୍କୁ ସହଯୋଗର ହାତ ବଢାଇଛି ଭାରତୀୟ ଯୁବାଶକ୍ତି ଟ୍ରଷ୍ଟ ନାମକ ଏକ ସ୍ୱେଚ୍ଛାସେବୀ ସଂଗଠନ ।
ସଂଗଠନ ସହାୟତାରେ ସେ ବ୍ୟାଙ୍କରୁ ଋଣ ଆଣି ବ୍ୟବସାୟରେ ଲଗାଇଛନ୍ତି । ସଂଯୁକ୍ତା ଏବେ ମାସିକ ହାରାହାରି ୧୦ କୁଇଣ୍ଟାଲ ବିରିରୁ ବଡ଼ି ପ୍ରସ୍ତୁତ କରିପାରୁଛନ୍ତି ।
(ବିକ୍ରମ କେଶରୀ ସାହୁ)
