ମାନବାଧିକାର କର୍ମୀ ପରିଚୟ ଦେଇ ମହିଳାଙ୍କୁ ଗଣଦୁଷ୍କର୍ମ
ପୁଣେ: ମହାରାଷ୍ଟ୍ର ପୁଣେରେ ଲଜ୍ଜା। ଜଣେ ୨୧ ବର୍ଷ ବୟସ୍କା ମହିଳାଙ୍କୁ ୩ ଅଭିଯୁକ୍ତଙ୍କ ଗଣଦୁଷର୍ମ ଅଭିଯୋଗ। ବଡ଼କଥା ହେଉଛି ଅଭିଯୁକ୍ତମାନେ ନିଜକୁ ମାନବାଧିକାର କର୍ମୀ ବୋଲି ପରିଚୟ ଏହି ଅଭାବନୀୟ କାଣ୍ଡ ଘଟାଇଛନ୍ତି। ପୁଣେର ବୋପଦେବ ଘାଟକୁ ଜଣେ ବନ୍ଧୁଙ୍କ ସହ ମହିଳାଜଣକ ଯାଇଥିବାବେଳେ ଏହି ଘଟଣା ଘଟିଥିଲା।
ପୋଲିସ କୋନ୍ଧୱା ଅଞ୍ଚଳର ରାଜେ ଖାଁ କରିମ ପଠାନ ନାମକ ଜଣେ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତ ପଠାନ ପ୍ରଥମେ ନିଜକୁ ମାନବାଧିକାର କର୍ମୀ ପରିଚୟ ଦେଇଥିଲେ ଓ ପରେ ମହିଳାଙ୍କୁ ଧମକଚମକ କାରରେ ନେଇଯାଇଥିଲେ। ଅନ୍ଯ ଏକ ଲୋକେସନକୁ ସେମାନେ କାରକୁ ନେଇଯାଇଥିଲେ ଏବଂ ସେଠାରେ ପଠାନ ଓ ତାଙ୍କର ଦୁଇ ସହଯୋଗୀ ମହିଳାଙ୍କୁ ଗଣଦୁଷ୍କର୍ମ କରିଥିଲେ।
ମହିଳାଙ୍କୁ ଖଦି ମେସିନ ଛକରେ ଛାଡି ସେମାନେ ଚାଲିଯାଇଥିଲେ। ମହିଳାଜଣକ କୋନ୍ଧୱା ଥାନାରେ ଅଭିଯୋଗ କରିବା ପରେ ପୋଲିସ ତନାଘନା କରିଥିଲା। ଅଭିଯୁକ୍ତମାନେ ମହିଳାଙ୍କ ବନ୍ଧୁଙ୍କୁ ବି ପିଟିଥିବା ଅଭିଯୋଗ ହୋଇଛି। ପୀଡିତାଙ୍କୁ ଏକ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାର ଅନୁଧ୍ଯାନ କରୁଛି କ୍ରାଇମବ୍ରାଞ୍ଚ।
