ଗଙ୍ଗାପୁର: ରାଜସ୍ଥାନ ଗଙ୍ଗାପୁରରେ ଅଭାବନୀୟ ଘଟଣା। ବୋରୱେଲ ମଧ୍ଯରେ ଫସିଛି ଜୀବନ। ୧୦୦ ଫୁଟର ବୋରୱେଲ ଭିତରକୁ ଖସିପଡିଛନ୍ତି ଗୁଦଲା ଗ୍ରାମର ୨୫ ବର୍ଷୀୟ ଯୁବତୀ ମୋନା ବାଇ । ସୂଚନା ମୁତାବକ ଯୁବତୀ ଜଣଙ୍କ ମଙ୍ଗଳବାର ଦିନ ସନ୍ଧ୍ଯାରୁ ନିଖୋଜ ଥିଲେ । ଏକ ମୁକୁଳା ବୋରୱେଲ ବାହାରୁ ଯୁବତୀଙ୍କ ଚପଲ ଦେଖି ଘର ଲୋକ ପୋଲିସକୁ ଜଣାଇଥିଲେ।
ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀଙ୍କ ସମେତ ଏନଡିଆରଏଫ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ଯ ଜାରି ରଖିଛନ୍ତି। ବୋରୱେଲ ମଧ୍ଯକୁ ଅମ୍ଲଜାନ ପଠାଇବା ସହିତ କ୍ଯାମେରା ଲଗାଇ ଉଦ୍ଧାର କାର୍ଯ୍ଯ ଜାରି ରଖିଛନ୍ତି । ସୌଭାଗ୍ଯବଶତଃ ବୋରୱେଲ ମଧ୍ଯରେ ପାଣି ନାହିଁ। ମାତ୍ର ଯୁବତୀ ଜଣଙ୍କ କେମିତି ବୋରୱେଲ ମଧ୍ଯକୁ ଖସି ପଡିଛନ୍ତି ସେ ନେଇ ସ୍ପଷ୍ଟ ସୂଚନା ମିଳିପାରିନାହିଁ।
