ଋଣ ନାଁରେ ଚୂନ ଲଗାଉଥିବା ମହିଳା ଗିରଫ, ୨୦ କେଜିରୁ ଅଧିକ ସୁନା ଜବତ

ପୁରୀ: ଋଣ ଦେବା ନାଁରେ ଚୂନ ଲଗାଉଥିବା ମହିଳାକୁ ଗିରଫ । ପୁରୀ ଜିଲ୍ଲା ଚନ୍ଦନପୁର ଅଞ୍ଚଳରେ ମୋଟା ଅଙ୍କର ଲୋନ୍ ଦେବାକୁ କହି ଲକ୍ଷାଧିକ ଟଙ୍କା ଠକେଇ କରିଥିବା ଅଭିଯୋଗରେ ତିଲୋତ୍ତମା ପ୍ରଧାନ ନାମକ ମହିଳାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଗୁରୁତ୍ବପୂର୍ଣ୍ଣ କଥା ହେଲା, ମହିଳାଙ୍କ ପାଖରୁ ୨୦ କେଜିରୁ ଅଧିକ ସୁନା ଜବତ କରିଛି ପୋଲିସ ।

ପୋଲିସ ମହିଳାଙ୍କଠାରୁ ୬ଟି ଚେକ ଜବତ କରିବା ସହ ତାଙ୍କ ବ୍ୟାଙ୍କ ଆକାଉଣ୍ଟ ସିଲ୍ କରିଛି । ତିଳୋତ୍ତମା ସୁନା ଓ ଟଙ୍କା ଭର୍ତ୍ତି ବ୍ୟାଗ ଦେଖାଇ ଲୋକଙ୍କ ବିଶ୍ଵାସ ଜିଣୁଥିଲେ । ତାଙ୍କ ଘରୁ ୨୦ କିଲୋରୁ ଅଧିକ ସୁନା ସହ ଲକ୍ଷାଧିକ ଟଙ୍କା ଜବତ ହୋଇଛି l ଚନ୍ଦନପୁର ଅଞ୍ଚଳରେ ଋଣ ଦେବାକୁ କହି ଲକ୍ଷାଧିକ ଟଙ୍କା ଠକିଥିବା ଅଭିଯୋଗ ହେଉ ଆସୁଥିଲା । ଅଭିଯୋଗକୁ ଭିତ୍ତି କରି ଚନ୍ଦନପୁର ପୋଲିସ ଅନୁସନ୍ଧାନ ଜାରି ରଖିବା ସହ ଚଢ଼ାଉ କରିଏତେ ପରିମାଣର ସୁନା ଓ ଟଙ୍କା ଜବତ କରିଛି । ମହିଳା ଜଣକ ଏତେ ମାତ୍ରାରେ ସୁନା କେଉଁଠୁ ଆଣିଲେ ସେ ନେଇ ଚନ୍ଦନପୁର ପୋଲିସ ତଦନ୍ତ ଜାରି ରଖିଛି ।