ଗଙ୍ଗାଧର ମେହେରଙ୍କ ସମାଧି ପୀଠ ନିର୍ମାଣ କାମର ସମୀକ୍ଷା କଲେ WODC ଅଧ୍ୟକ୍ଷ

ବରଗଡ଼ : ପଶ୍ଚିମ ଓଡିଶା ଗସ୍ତରରେ ପଶ୍ଚିମ ଓଡିଶା ବିକାଶ ପରିଷଦ (WODC) ଅଧ୍ୟକ୍ଷ ଶ୍ରୀ ଅସିତ୍ ତ୍ରିପାଠୀ । ଗସ୍ତର ଚତୁର୍ଥ ଦିନରେ ସେ ବରଗଡ ଜିଲ୍ଲା ବରପାଲି ଠାରେ ନିର୍ମିତ ହେଉଥିବା ସ୍ବଭାବ କବି ଗଙ୍ଗାଧର ମେହେରଙ୍କ ସମାଧି ପୀଠର ସମୀକ୍ଷା କରିଛନ୍ତି । ତାଙ୍କ ସହିତ ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ବିଭାଗ ମନ୍ତ୍ରୀ ଶ୍ରୀମତୀ ରିତା ସାହୁ ମଧ୍ୟ ଉପସ୍ଥିତ ଥିଲେ ।

ଏହି ସମାଧି ପୀଠ ନିର୍ମାଣ ପାଇଁ ପରିଷଦ ପକ୍ଷରୁ ୧କୋଟି ୨୦ ଲକ୍ଷ ଟଙ୍କ ଅନୁଦାନ ଦିଆଯାଇଛି । ଯାହାର ନିର୍ମାଣ କାମ ଡିସେମ୍ବର ସୁଦ୍ଧା ଶେଷ ହେବ ବୋଲି ଅନୁମାନ କରାଯାଉଛି । ଏହି ପରିଦର୍ଶନ କାର୍ଯ୍ୟକ୍ରମରେ ପରିଷଦର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଡଃ ଅଜିତ୍ କୁମାର ସାହୁ, ବରଗଡର ଜିଲ୍ଲାପାଳ, ବୈଷୟିକ ପରାଦର୍ଶଦାତା ପ୍ରମୁଖ ଆଦି ଉପସ୍ଥିତ ଥିଲେ ।