ବେଙ୍ଗାଳୁରୁ: ଛଟେଇ ପରେ ସାଲାରୀ କଟ୍ । ନୂଆ କର୍ମଚାରୀଙ୍କୁ ୫୦ପ୍ରତିଶତ ଦରମା କାଟ କରିବାକୁ ନିଷ୍ପତ୍ତି ନେଇଛି ଓ୍ବିପ୍ରୋ । ପ୍ରତିଷ୍ଠିତ ଆଇଟି କମ୍ପାନୀର ଏହି ନିଷ୍ପତ୍ତିକୁ ବିରୋଧ କରିଛି ଆଇଟି କର୍ମଚାରୀ ୟୁନିଅନ ନାଇଟସ୍ । କମ୍ପାନୀର ଏଭଳି ବ୍ୟବହାର ଆଦୌ ଗ୍ରହଣୀୟ ନୁହେଁ ବୋଲି ସଂଘ କହିଛି।
ଓ୍ବିପ୍ରୋର ଏହି ନିଷ୍ପତ୍ତି ବିଶ୍ବସ୍ତରରେ ଆର୍ଥିକ ଅନିଶ୍ଚିତତା ଏବଂ ବୈଷୟିକ କମ୍ପାନୀଗୁଡିକର ଚ୍ୟାଲେଞ୍ଜକୁ ପ୍ରତିଫଳିତ କରୁଛି ବୋଲି ବଜାର ପର୍ଯ୍ୟବେକ୍ଷକ ମାନେ କହିଛନ୍ତି। ବେଙ୍ଗାଳୁରୁ ସ୍ଥିତ ଆଇଟି କମ୍ପାନୀ ଓ୍ବିପ୍ରୋ ଚଳିତ ବର୍ଷ ନୂଆ କର୍ମଚାରୀଙ୍କୁ ୬.୫ ଲକ୍ଷ ପ୍ରତିବର୍ଷ ପ୍ୟାକେଜରେ ଜଏନ କରାଇଥିବା ବେଳେ ୩.୫ଲକ୍ଷ ପ୍ୟାକେଜରେ ଜଏନ କରିବାକୁ କହିଛି। କମ୍ପାନୀର ଏହି ନିଷ୍ପତ୍ତିକୁ ଆଇଟି କର୍ମଚାରୀ ୟୁନିୟନ ନିନ୍ଦା କରିଛି। କମ୍ପାନୀ ଏହି ନିଷ୍ପତ୍ତି ଉପରେ ଆଉ ଥରେ ଚିନ୍ତା କରୁ ବୋଲି ସଂଘ କହିଛି ।
