ଧଳା ଚାଦର ତଳେ ରାଜଧାନୀ, ମାତ୍ରାଧିକ କୁହୁଡ଼ି ଯୋଗୁଁ ରାସ୍ତାରେ ଯାତାୟତ ବାଧାପ୍ରାପ୍ତ
ଭୁବନେଶ୍ୱର: ଘନ କୁହୁଡ଼ି ଓ ଥଣ୍ଡାରେ ଅସ୍ତବ୍ୟସ୍ତ ସାରା ରାଜ୍ୟ । କାକର ଓ କୁହୁଡ଼ିର କମ୍ବଳରେ ଢାଙ୍କି ହୋଇଛି ରାଜଧାନୀ ଭୁବନେଶ୍ୱର । ମାତ୍ରାଧିକ କୁହୁଡ଼ି ଯୋଗୁଁ ରାସ୍ତାରେ ବିନା ଲାଇଟରେ ଯାନରେ ଯାତାୟତ କରିବା ଅସମ୍ଭବ ହୋଇପଡ଼ିଛି । ସେପଟେ ଆସନ୍ତା ୩ଦିନ ପାଇଁ ରାଜ୍ୟରେ ଘନ କୁହୁଡି ନେଇ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
ଏନେଇ ସବୁ ଜିଲ୍ଲାପାଳ ଓ ଏସପିଙ୍କୁ ସତର୍କ ରହିବାକୁ ସତର୍କ କରାଯାଇଛି । କୁହୁଡ଼ି କାରଣରୁ ଅଧିକ ଦୁର୍ଘଟଣା ହେବାର ସମ୍ଭାବନା ଥିବାରୁ ପଦକ୍ଷେପ ନେବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି । ତେବେ ଆଗକୁ ପାଗ ସୁଖିଲା ରହିବ । ତାପମାତ୍ରାରେ ସେଭଳି କୌଣସି ପରିବର୍ତ୍ତନ ହେବନାହିଁ । ଆଭ୍ୟନ୍ତରୀଣ ଓ ଉପକୂଳ ଓଡ଼ିଶାର ଜିଲ୍ଲାଗୁଡ଼ିକରେ ଥଣ୍ଡା ସହ କୁହୁଡ଼ି ଜାରି ରହିବ ।
