ଭୋଟ ଓ ଗଣତି ଦିନ ବନ୍ଦ ରହିବ ମଦ ବିକ୍ରି

ଭୁବନେଶ୍ୱର: ପଞ୍ଚାୟତ ନିର୍ବାଚନ ବେଳେ ନିଶା ରୋକିବାକୁ ଅବକାରୀ ବିଭାଗର ଗୁରୁତ୍ୱ । ନିର୍ବାଚନ ତାରିଖ ଦିନ ହେବ ଡ୍ରାଇ-ଡେ । ଗଣତି ଦିନକୁ ବି ଡ୍ରାଇ ଡେ ଘୋଷଣା କରାଯାଇଛି । ମତଦାନର ୪୮ ଘଣ୍ଟା ଆଗରୁ ବନ୍ଦ ହେବ ମଦ ଦୋକାନ । ଏନେଇ ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ଅବକାରୀ କମିଶନର । ରାଜ୍ୟରେ ୫ଟି ପର୍ଯ୍ୟାୟରେ ନିର୍ବାଚନ ହେଉଛି । ୧୬, ୧୮, ୨୦, ୨୨ ଓ ୨୪ ତାରିଖରେ ଡ୍ରାଇ ଡେ ଘୋଷିତ ।

ଏହି ଦିନ ଗୁଡ଼ିକରେ ମଦ ବିକ୍ରି ସମ୍ପୂର୍ଣ୍ଣ ନିଷେଧ କରାଯାଇଛି । ସେହିପରି ୨୬ରୁ ୨୮ ତାରିଖ ଯାଏ ମଧ୍ୟ ମଦବିକ୍ରି ବନ୍ଦ କରିବାକୁ ନିର୍ଦ୍ଦେଶନାମାରେ କୁହାଯାଇଛି । ଓଡ଼ିଶା ଅବକାରୀ ଆଇନ ଅନୁସାରେ ଦେଶୀ ଓ ବିଦେଶୀ ମଦ, IMFL ନିଷିଦ୍ଧ ହୋଇଛି । ନିର୍ବାଚନ ଦିନ ଦୋକାନ, ହୋଟେଲ, ରେଷ୍ଟୁରାଣ୍ଟରେ ମଦ ବିକ୍ରି ମନା ହୋଇଛି । ତାରକା ହୋଟେଲରେ ମଧ୍ୟ ବିକ୍ରି ହୋଇପାରିବ ନାହିଁ ମଦ ।