ପୁଣି ବଢ଼ିଲା ଫଡ଼ନାଭିସ୍-ନବାବ ବିବାଦ: କାଲି ଅଣ୍ଡରଓ୍ୱାଲ୍ଡ ସମ୍ପର୍କ ନେଇ ପ୍ରମାଣ ଦେବେ ନବାବ

ମୁମ୍ୱାଇ: ପୁଣି ବଢ଼ିଲା ଏନସିପି ନେତା ନବାବ ମଲିକ ଓ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ମଧ୍ୟରେ ବିବାଦ । ଆସନ୍ତା କାଲି ସତ୍ୟର ଏକ ବଡ଼ ଖୁଲାସା କରିବେ ବୋଲି କହିଛନ୍ତି ନବାବ । ନବାବଙ୍କ ସହ ଅଣ୍ଡରଓ୍ବାର୍ଲଡର ସମ୍ପର୍କ ରହିଛି ବୋଲି ଫଡନାଭିସ ଅଭିଯୋଗ କରୁଥିବାବେଳେ ଏହାକୁ ଖଣ୍ଡନ କରିଛନ୍ତି ନବାବ । ଫଡନାଭିସଙ୍କ ସହ ଅଣ୍ଡରଓ୍ବାର୍ଲଡର ସମ୍ପର୍କ ରହିଥିବା ନେଇ ସେ ଆସନ୍ତାକାଲି ପ୍ରମାଣ କରିବେ ବୋଲି ନବାବ କହିଛନ୍ତି । ଫଡନାଭିସ ମୁଖ୍ୟମନ୍ତ୍ରୀ ଥିବାବେଳେ ସମଗ୍ର ସହରକୁ କିପରି ପଣବନ୍ଦୀ କରି ରଖିଥିଲେ ତାହାର ଖୁଲାସା ଆସନ୍ତାକାଲି କରିବେ ବୋଲି ସେ କହିଛନ୍ତି ।

ଫଡନାଭିସ ଅଭିଯୋଗ କରିଥିଲେ ଯେ, ଜଣେ ଅଣ୍ଡରଓ୍ବାରଲ୍ଡ ଜନଙ୍କ ସହ ନବାବ ସମ୍ପତ୍ତିଗତ ସମ୍ପର୍କ ରଖିଛନ୍ତି । ଏହି ଡନ ଜନ ୧୯୯୩ ମୁମ୍ବାଇ ବିସ୍ଫୋରଣରେ ଦୋଷୀସାବ୍ୟସ୍ତ ହୋଇଥିଲେ । କୁର୍ଲାର ଏଲବିଏସ ରୋଡରେ ସଲିଡସ ଇନଭେଷ୍ଟମେଣ୍ଟସ ପ୍ରାଇଭେଟ ଲିମିଟେଡ ନାଁରେ ୨ ଏକର ୮୦ ଡିସିମିଲର ଏକ ପ୍ଲଟ ରହିଛି । ଏହି ସଂସ୍ଥା ସହ ନବାବଙ୍କ ପରିବାରର ସମ୍ପର୍କ ରହିଛି । ମନ୍ତ୍ରୀ ହେବା ପରେ ନବାବ ଏହି ସଂସ୍ଥା ଛାଡିଥିଲେ । କିଛି ଦିନ ତଳେ ନବାବ ଅଭିଯୋଗ କରିଥିଲେ ଯେ, ଜଣେ ଡ୍ରଗ୍ସ ମାଫିଆଙ୍କ ସହ ଫଡନାଭିସ ଓ ତାଙ୍କ ପତ୍ନୀଙ୍କ ସମ୍ପର୍କ ରହିଛି ।

ଏଥିସହିତ ପଢ଼ନ୍ତୁ: ବିଶାଦଗ୍ରସ୍ତ ପାକିସ୍ତାନ ସେନା: କାଉନସିଲିଂ ପାଇଁ ନିର୍ଦ୍ଦେଶ ଦେଲେ ସେନା ମୁଖ୍ୟ