୩ ଦିନ ଭିତରେ ଜାମିନ ନମିଳିଲେ ନଭେମ୍ବର ୧୫ ଯାଏଁ ଜେଲରେ ରହିବେ ଆର୍ଯ୍ୟନ
ମୁମ୍ବାଇ: କିଙ୍ଗ ଖାନ୍ ଶାହରୁଖଙ୍କ ପୁଅ ଆର୍ଯ୍ୟନଙ୍କ ଜାମିନ ଉପରେ ବମ୍ବେ ହାଇକୋର୍ଟଙ୍କ ଶୁଣାଣି ଜାରି ରହିଛି। ଯେକୌଣସି ସମୟରେ କୋର୍ଟ ରାୟ ଶୁଣାଇ ପାରନ୍ତି। କିନ୍ତୁ ଦିପାବଳୀ ପୂର୍ବରୁ ଯଦି ଆର୍ଯ୍ୟନଙ୍କୁ ଜାମିନ ନମିଳେ ତାହେଲେ ନଭେମ୍ବର ୧୫ ଯାଏଁ ତାଙ୍କୁ ଜେଲରେ ବିତାଇବାକୁ ପଡିବ।
ବମ୍ବେ ହାଇକୋର୍ଟ ଦିପାବଳୀ ବେକ୍ର ପୂର୍ବରୁ ଆର୍ଯ୍ୟନଙ୍କ ଜାମିନ ନେଇ ଶୁଣାଣି କରିବା ଜରୁରୀ। ନଚେତ୍ ଏହି ଷ୍ଟାର କିଡଙ୍କୁ ନଭେମ୍ବର ୧୫ ତାରିଖ ଯାଏଁ ଜେଲରେ ରହିବାକୁ ପଡିବ। କାରଣ ଦିପାବଳୀ ଛୁଟି ନଭେମ୍ବର ୧ ତାରିଖ ଠାରୁ ୬ ତାରିଖ ଯାଏଁ ହୋଇଥିବା ବେଳେ ୧୨ ଯାଏଁ କୋର୍ଟ ବନ୍ଦ ରହିବ। ୧୩ ଓ ୧୪ ତାରିଖ ଶନିବାର ଏବଂ ରବିବାର ପାଇଁ ଛୁଟି।
ସୂଚନା ଅନୁଯାୀ, ଆର୍ଯ୍ୟନ୍ ଖାନ ଗତ ୨୦ ଦିନ ହେବ ଆର୍ଥର ରୋଡ୍ ଜେଲରେ ରହି ଆସୁଛନ୍ତି। ସେସନ୍ କୋର୍ଟ ଦୁଇ ଥର ତାଙ୍କ ଜାମିନ ଆବେଦନକୁ ଖାରଜ କରିଛନ୍ତି। ଏନସିବି ଗତ ଅକ୍ଟୋବର ୨ ତାରିଖରେ ଆର୍ଯ୍ୟନଙ୍କୁ କ୍ରୁଜ୍ ସିପରେ ଆୟୋଜିତ ରେଭ୍ ପାର୍ଟିରେ ଧରିଥିଲା
