କେବେ ମିଳିବ ମହିଳାଙ୍କୁ ନ୍ୟାୟ? ଶାଶୂଘର ଆଗରେ ଦେଇଛନ୍ତି ଧାରଣା

ବାସୁଦେବପୁର: ଶାଶୂଘର ଆଗରେ ବୋହୂର ଧାରଣା। ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ବଇଁଚା ଗାଁର ଅକ୍ଷୟ ବେହେରାଙ୍କୁ ୬ବର୍ଷ ତଳେ ପ୍ରେମ ବିବାହ କରିଥିଲେ ତିହିଡ଼ି ବୁଧପୁରର ଦୀପା। ପ୍ରଥମେ ଜାତିକୁ ନେଇ ଅକ୍ଷୟଙ୍କ ପରିବାର ବିରୋଧ କରିଥିଲେ। ବିବାହ ପରଠାରୁ ମାନସିକ ଓ ଶାରୀରିକ ନିର୍ଯାତନା ଦେଇ ଆସୁଥିଲେ। ଏପରିକି ଦୀପାଙ୍କୁ ତାଙ୍କ ଶାଶୂ ଜୀବନରୁ ମାରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି। ଅନେକ ଥର ଘଟଣା ନେଇ ଗାଁ ବୈଠକ ବସି ସମାଧାନ ବି ହୋଇଛି। ଦୀପାଙ୍କର ଦେଢ଼ ବର୍ଷର ପୁଅ ବି ଅଛି । ଗତ ନଭେମ୍ବର ୨୦ ତାରିଖ ରାତିରେ ଶାଶୂ, ଶ୍ବଶୂର, ନଣନ୍ଦ ମିଶି ଦୀପାଙ୍କୁ ନିସ୍ତୁକ ମାଡ଼ ମାରିଥିଲେ । ତାଙ୍କ ଚିତ୍କାର ଶୁଣି ଗାଁଲୋକ ଆସି ଉଦ୍ଧାର କରିଥିଲୋ । ଆମ୍ବୁଲାନ୍ସ ଡାକି ଦୀପାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ତେବେ ଘଟଣା ପରେ ଗିରଫ ଭୟରେ ଦୀପାଙ୍କ ପରିବାର ଲୋକେ ଚମ୍ପଟ ମାରିଛନ୍ତି । ଦୀପା ଡାକ୍ତରଖାନାରୁ ଫେରିବା ପରେ ଘରେ ତାଲା ଝୁଲୁଛି । ଏହାପରଠୁ ନ୍ୟାୟ ପାଇଁ ଘର ଦୁଆରେ ଧାରଣାରେ ବସିଛନ୍ତି ଦୀପା।