ସ୍ୱାମୀ ଓ ପିଲାକୁ ଛାଡ଼ି ସୁନା-ଟଙ୍କା ନେଇ ପ୍ରେମିକ ସହ ଫେରାର ହୋଇଗଲା ସ୍ତ୍ରୀ !

କେନ୍ଦ୍ରାପଡ଼ା: ଦ୍ବିତୀୟ ଥର ପାଇଁ ଘରେ କଳାକନା ବୁଲାଇଲା ସ୍ତ୍ରୀ । ସବୁ ଟଙ୍କା ସୁନା ନେଇ ପରପୁରୁଷ ସହ ଚାଲିଯାଇଥିବା ସନ୍ଦେହ । ପାଟକୁରା କୁଦାନଗରୀ ଥାନା ଅନ୍ତର୍ଗତ କରିଲୋପାଟଣା ଗାଁରୁ ଆସିଛି ଏଭଳି ଅଭିଯୋଗ । ଏପରିକି ସ୍ତ୍ରୀ ୧୦ ବର୍ଷର ପୁଅକୁ ମଧ୍ୟ ପର କରି ଚାଲିଯାଇଥିବା ନେଇ ସ୍ବାମୀ ଥାନାରେ ଅଭିଯୋଗ କରିଛନ୍ତି । ୧୨ ବର୍ଷ ତଳେ ଚନ୍ଦନ କୁମାର ସ୍ୱାଇଁ ବଚରେଇ ତେଲିଆକଣ ଗାଁର ସସ୍ମିତା ସ୍ୱାଇଁଙ୍କୁ ବିବାହ କରିଥିଲେ । ତାଙ୍କ ଗୋଟି ୧୦ ବର୍ଷର ସନ୍ତାନ ରହିଛି ।

ହେଲେ ସସ୍ମିତା ଏବେ ପୁରା ପରିବାରକୁ ପର କରି ଘରୁ ସୁନା ଗହଣା ଓ ୩୭ ହଜାର ଟଙ୍କା ନେଇ ଫେରାର ହୋଇଯାଇଥିବା ଅଭିଯୋଗ ହୋଇଛି । ପୂର୍ବରୁ ମଧ୍ୟ 2018 ମସିହାରେ ସସ୍ମିତା ଘରୁ ଫେରାର ହୋଇଯାଇଥିଲେ । ସ୍ୱାମୀ ବେପାର କରିବା ପାଇଁ ୪ ଲକ୍ଷ ୭୨ ହଜାର ଟଙ୍କା ଲୋନରେ ଆଣିଥିବା ଟଙ୍କା ନେଇ ଛୁ ମାରିଥିଲେ । ଚାରି ବର୍ଷ ପରେ ଗତ ଜାନୁଆରୀ ମାସରେ ଚନ୍ଦନଙ୍କ ସମ୍ପର୍କୀୟ ସସ୍ମିତାଙ୍କୁ କେନ୍ଦ୍ରାପଡ଼ା ସହରରେ ଦେଖି ଘରକୁ ଆଣିଥିଲେ ।

ଭାଇର ଘର ତୋଳିବା ପାଇଁ ଟଙ୍କା ନେଇଥିଲେ ବୋଲି ସସ୍ମିତା ସଫେଇ ଦେଇଥିଲେ । ସବୁ ଶୁଣିବା ପରେ ସ୍ତ୍ରୀର ସବୁ ଦୋଷ କ୍ଷମା କରିଥିଲେ ସ୍ବାମୀ ଚନ୍ଦନ । ପରେ କିନ୍ତୁ ଚନ୍ଦନ ଜାଣିବାକୁ ପାଇଲେ – ସ୍ତ୍ରୀ ଫେରାର ପରେ କେନ୍ଦ୍ରାପଡ଼ା ଗୋପ ଅଞ୍ଚଳରେ ଜଣେ ବ୍ୟକ୍ତି ସୁରେନ୍ଦ୍ର ପ୍ରଧାନ ସହ ରହୁଥିଲେ । ଦୁଇ ଜଣ ମହିଳା ସୋନି ପ୍ରଧାନ ଓ ରଂଜିତା ବେଉରାଙ୍କ ସଂସ୍ପର୍ଷରେ ଆସି ସସ୍ମିତା ସୁରେନ୍ଦ୍ରଙ୍କ ସହ ରହୁଥିଲେ ।

ସସ୍ମିତା କିଛି ଅନିୟମିତ କାର୍ଯ୍ୟରେ ଲିପ୍ତ ଥିଲେ । ସବୁ ଜାଣିବା ପରେ ମଧ୍ୟ ଚନ୍ଦନ ସସ୍ମିତାଙ୍କ ସବୁ ଦୋଷ କ୍ଷମା କରିଥିଲେ । ହେଲେ ଏବେ ପୁଣି ସସ୍ମିତା ଘରୁ କଳାକନା ବୁଲାଇ ଫେରାର ହୋଇଯାଇଥିବା ଥାନାରେ ଅଭିଯୋଗ କରିଛନ୍ତି ଚନ୍ଦନ । ସସ୍ମିତା ଘରେ ରହିବାବେଳେ କିଛି ପରୁଷଙ୍କ ସହ ଫୋନରେ କଥା ହେଉଥିଲେ । ଏବେ ସେମାନେ ତାଙ୍କୁ ହତ୍ୟା ପାଇଁ ଧମକ ଦେଇଥିବା ଅଭିଯୋଗ କରିଛନ୍ତି ଚନ୍ଦନ ।