ସ୍ବାମୀ ଅତ୍ୟାଚାର କରୁଥିଲେ, ସ୍ତ୍ରୀ ପୁଅ ମିଶି ମାରି ଦେଲେ

ବ୍ରହ୍ମପୁର: ପାରିବାରିକ କଳହରୁ ବିଭତ୍ସ ହତ୍ୟା । ସ୍ତ୍ରୀ ସାଜିଲା ସ୍ବାମୀର ହତ୍ୟାକାରୀ । ମାଆ ସହ ମିଶି ବାପାକୁ ଦୁଇ ପୁଅ ହତ୍ୟା କରିଥିବା ସୂଚନା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଖଲ୍ଲିକୋଟ ଥାନା ଅନ୍ତର୍ଗତ ତୋଟାଗାଁରେ। ମୃତ ବ୍ୟକ୍ତି ହେଲେ ତୋଟାଗାଁର ସୂର୍ଯ୍ୟ ପାହାନ । ସ୍ତ୍ରୀଙ୍କ କହିବା କଥା ୧୫ ବର୍ଷ ହେବ ସ୍ବାମୀ ସୂର୍ଯ୍ୟ ସେମାନଙ୍କୁ ଅତ୍ୟାଚାର କରୁଥଲେ ।

ସେହି କାରଣରୁ ଏଭଳି ହତ୍ୟା କାଣ୍ଡ ଘଟାଇଥିବା ସେ କହିଛନ୍ତି । ତୋଟାଗାଁ ଶ୍ମଶାନ ନିକଟରେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ତାଙ୍କ ମୃତ ଦେହ ପଡ଼ିଥିବା ଦେଖି ଖଲ୍ଲିକୋଟ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିଥିବା ବେଳେ ଦୁଇ ପୁଅ ଏବଂ ସ୍ତ୍ରୀ କୁ ଅଟକ ରଖିଛି ପୋଲିସ । ଘଟଣା ସ୍ଥଳରେ ପୋଲିସ ଏବଂ ସାନ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।