ବଲାଙ୍ଗୀର: ସ୍ତ୍ରୀକୁ ସ୍ୱାମୀର ମରଣାନ୍ତକ ଆକ୍ରମଣର ଅଭିଯୋଗ। ଟାଙ୍ଗିଆରେ ସ୍ତ୍ରୀକୁ ହାଣି ଲହୁଲହାଣ କଲା ମଦ୍ୟପ ସ୍ୱାମୀ। ବଲାଙ୍ଗୀର ଜିଲ୍ଲା ତୁରେକେଲା ଥାନା ରାଉତମୁଣ୍ଡା ଗାଁରେ ଏପରି ଏକ ଅଭାବନୀୟ ଘଟଣା ଘଟିଛି। ଗତକାଲି ରାତିରେ ମଦ୍ୟପ ସ୍ୱାମୀ ନିଜ ସ୍ତ୍ରୀକୁ ମାରିଦେବାକୁ ଉଦ୍ୟମ କରିଥିବା ଥାନାରେ ଅଭିଯୋଗ ହୋଇଛି। ସୂଚନା ମୁତାବକ ଖଜୁରୀ ଗାଁର ନରସିଂହ ନାଗ ରାଉତମୁଣ୍ଡା ଗାଁର ତ୍ରିପୁରାକୁ ବିବାହ କରିଥିଲେ। ବିବାହକୁ ପ୍ରାୟ ୭ ବର୍ଷ ହୋଇଥିଲେ ମଧ୍ୟ କୌଣସି କରଣକୁ ନେଇ ସବୁବେଳେ ବଚସା ଲାଗି ରହୁଥିଲା। ପରେ ଉତ୍ତ୍ୟକ୍ତ ସ୍ୱାମୀ ସ୍ତ୍ରୀଙ୍କୁ ଟାଙ୍କିଆରେ ମରଣାନ୍ତକ ଆକ୍ରମଣ କରିଥିଲେ। ଫଳରେ ସ୍ତ୍ରୀ ତ୍ରିପୁରା ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ତ୍ରିପୁରାଙ୍କୁ ମେଡିକାଲରେ ଭର୍ତ୍ତି କରାଯାଇଛି। ଏନେଇ ତ୍ରିପୁରାଙ୍କ ପରିବାର ତୁରେକେଲା ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ କରିବା ସହ ଅଭିଯୁକ୍ତ ସ୍ୱାମୀକୁ ଖୋଜାଖୋଜି କରୁଛି।
