କ୍ରିକେଟକୁ ଅଲବିଦା କଲେ ୱେଷ୍ଟଇଣ୍ଡିଜର ଅଲରାଉଣ୍ଡର ଡ୍ୱେନ୍ ବ୍ରାଭୋ

ନୂଆଦିଲ୍ଲୀ: କ୍ରିକେଟକୁ ଅଲବିଦା କହିଲେ ୱେଷ୍ଟଇଣ୍ଡିଜର ଅଲରାଉଣ୍ଡର ଡ୍ୱେନ୍ ବ୍ରାଭୋ । ଟି-୨୦ ବିଶ୍ୱକପ ପରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ନେଇ ଘୋଷଣା କରିଛନ୍ତି ବ୍ରାଭୋ। ଏନେଇ ଆଇସିସି ପକ୍ଷରୁ ସୂଚନା ଦିଆଯାଇଛି।

ଆସନ୍ତାକାଲି ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ ହେବ ବ୍ରାଭୋଙ୍କ ଶେଷ ମ୍ୟାଚ୍। ଅନେକ ବଡ ବଡ ମ୍ୟାଚରେ ଦମଦାର ପ୍ରଦର୍ଶନ କରି ୱେଷ୍ଟଇଣ୍ଡିଜ କ୍ରିକେଟ ଟିମରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି ବ୍ରାଭୋ । ୨୦୦୪ରୁ ଅନ୍ତର୍ଜାତୀୟ କ୍ରିକେଟରେ ପାଦ ଦେଇଥିଲେ ଏହି ଅଲରାଉଣ୍ଡର। ବ୍ରାଭୋ ୪୦ଟି ଟେଷ୍ଟ, ୧୬୪ଟି ଦିନିକିଆ ଓ ୯୦ଟି ଟି-୨୦ ମ୍ୟାଚ ଓ ୧୨୪୫ ରନ୍ ବନାଇଛନ୍ତି । ଏହାବ୍ୟତିତ ସେ ୭୮ ୱିକେଟ୍ ମଧ୍ୟ ନେଇଛନ୍ତି ।

After an 18-year career for the #WestIndies, Dwayne Bravo has called time on his international career.

More ?https://t.co/VPIlctqYGF

— T20 World Cup (@T20WorldCup) November 5, 2021

ଏକ ସାକ୍ଷାତକାର ଅବସରରେ ସେ କହିଥିଲେ, ‘‘ମୋତେ ଲାଗୁଛି ଏବେ ସନ୍ୟାସ ନେବାର ସମୟ ଆସିଗଲାଣି। ମୋର କ୍ୟାରିଅର୍ ବହୁତ ଭଲରେ ଯାଇଛି । ୧୮ ବର୍ଷ ଯାଏଁ ମୁଁ ୱେଷ୍ଟଇଣ୍ଡିଜ ପକ୍ଷରୁ ପ୍ରତିନିଧିତ୍ୱ କରିବା ସହ ଅନେକ ସଂଘର୍ଷ ଦେଖିଛି ।