ଭେଡେନକୁ କାହିଁକି ମିଳିଲାନି NAC ମାନ୍ୟତା: ରାଜ୍ୟ ସରକାରଙ୍କ ଉପରେ ବର୍ଷିଲା ବିଜେଡି

ବରଗଡ଼ ଜିଲ୍ଲା ଭେଡେନକୁ NAC ମାନ୍ୟତା ଦାବି। ଭେଡେନକୁ NAC କରାଯାଇନଥିବାରୁ ରାଜ୍ୟ ସରକାରଙ୍କ ଉପରେ ବର୍ଷିଲେ ବିଜୁ ମହିଳା ଜନତା ଦଳର ରାଜ୍ୟ ସଭାନେତ୍ରୀ ସ୍ନେହାଙ୍ଗିନୀ ଛୁରିଆ। ସାମ୍ବାଦିକ ସମ୍ମିଳନୀ କରି ସେ ସରକାରଙ୍କ ଉପରେ ବର୍ଷିଛନ୍ତି। ନବୀନ ପଟ୍ଟନାୟକ ସରକାର ସମୟରେ ଭେଡେନକୁ NAC ଘୋଷଣା କରାଯାଇଥିଲା। ବର୍ତମାନ ରାଜ୍ୟ ସରକାର ଭେଡେନକୁ NAC ରୁ ବାଦ୍ ଦେଇଛନ୍ତି। ଏହାର କାରଣ କଣ ବୋଲି ପ୍ରଶ୍ନ କରିଛନ୍ତି ସ୍ନେହାଙ୍ଗିନୀ। ଭେଡେନ NAC ହେବାକୁ ପୁରା ଯୋଗ୍ୟ। ସରକାର ଆନ୍ତରିକତା ଦେଖାଇନଥିବାରୁ ଏହାକୁ କଡ଼ା ନିନ୍ଦା କରିବା ସହିତ ଭେଡେନଙ୍କୁ ତୁରନ୍ତ ଏନଏସି କରିବାକୁ ସେ ଦାବି କରିଛନ୍ତି। ଆଜି ଭେଡେନ BDO ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଦାବି ପୂରଣ ନ ହେଲେ ଆଗାମୀ ୧୯ ତାରିଖରେ ବିଜୁ ଜନତା ଦଳ ଭେଡେନରେ ଆନ୍ଦୋଳନ କରିବାକୁ ସେ ଚେତାଇ ଦେଇଛନ୍ତି।