ଜାଣନ୍ତୁ ଭାରତ ଟି-୨୦ ବିଶ୍ବକପ ଜିତିବା ପରେ ମଧ୍ୟ କାହିଁକି ଦୁଃଖିତ ରୋହିତଙ୍କ ପତ୍ନୀ ରିତିକା

ନନ୍ଦିଘୋଷ ବ୍ୟୁରୋ: ଦୀର୍ଘ ୧୧ ବର୍ଷ ପରେ ଆଇସିସି ଟ୍ରଫି, ୧୩ ବର୍ଷ ପରେ ବିଶ୍ବକପ, ଏବଂ ୧୭ ବର୍ଷପରେ ଟି-୨୦ ବିଶ୍ବକପ ଜିତିଛି ଭାରତ । ଦୀର୍ଘଦିନର ସ୍ବପ୍ନ ପୂରଣ ହେବା ପରେ ସାରା ଦେଶରେ ଖୁସିର ଲହରୀ । ତେବେ ଟି-୨୦ ବିଶ୍ବକପ ଜିତିଥିବା ଭାରତର ଅଧିନାୟକ ରୋହିତ ଶର୍ମାଙ୍କ ପତ୍ନୀ ରିତିକା ଦୁଃଖିତ ଥିବା ଜଣା ପଡ଼ିଛି । ସେ ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ କରିଛନ୍ତି ।

ରୋହିତ ଆନ୍ତର୍ଜାତୀୟ ଟି-୨୦ରୁ ଅବସର ଘୋଷଣା କରିଛନ୍ତି । ଯାହାକି ଆଜି ମଧ୍ୟ ଅନେକଙ୍କୁ ବିଶ୍ବାସ ହେଉନାହିଁ । ଅନେକ କ୍ରିକେଟ ପ୍ରେମୀଙ୍କ ହୃଦୟ ମଧ୍ୟ ଭାଙ୍ଗି ଯାଇଛି । ତେବେ ରୋହିତଙ୍କ ଅବସରକୁ ନେଇ ପତ୍ନୀ ମଧ୍ୟ ଭାବ ପ୍ରବଣ ହୋଇଛନ୍ତି । ଯାହାକୁ ନେଇ ସେ ନିଜର ପୋଷ୍ଟରେ ଲେଖିଛନ୍ତି କି, ୨୦୨୩ରେ ଭାରତ ଦିନିକିଆ ବିଶ୍ବକପ ହାରିବା ପରେ ବେଶ ଭାଙ୍ଗି ପଡ଼ିଥିଲେ ରୋହିତ । ମାତ୍ର ଏହାପରେ କିଛିମାସ ସେ ସଂଘର୍ଷ ଜାରି ରଖିଥିଲେ । ଏହି କିଛିମାସ ତାଙ୍କ ପାଇଁ ବେଶ ଗୁରୁତ୍ବପୂର୍ଣ୍ଣ ରହିଥିଲା । ସେ ବହୁତ ପରିଶ୍ରମ କରିଛନ୍ତି । ଆଉ ତାଙ୍କ ଅବସର ବେଶ ଦୁଃଖିତ କରିଛି । ତେବେ ରିତିକାଙ୍କ ଏହି ପୋଷ୍ଟକୁ ନେଇ ୟୁଜର୍ସମାନେ ବିଭିନ୍ନ କମେଣ୍ଟମାନ ଦେବା ସହ ରୋହିତଙ୍କୁ ପ୍ରଶଂସା କରିଛନ୍ତି ।

https://www.instagram.com/ritssajdeh/?utm_source=ig_embed&ig_rid=a2a08e29-04ca-44a8-8bc3-28f4ad373b0f