ଭଉଣୀ ବାହାଘରରେ କାହିଁକି ଆସିଲେନି ପ୍ରିୟଙ୍କା?

ଜୟପୁର: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ ସାଂସଦ ରାଘବ ଚଢ଼ାଙ୍କ ବିବାହ ଉଦୟପୁର ପ୍ୟାଲେସରେ ମହାଆଡ଼ମ୍ବରରେ ଅନୁଷ୍ଠିତ ହୋଇ ଯାଇଛି । ବହୁ ଅତିଥୀମାନେ ଏହି ବିବାହ ଉତ୍ସବରେ ନଜର ଆସିଛନ୍ତି । ସେଲିବ୍ରେଟିଙ୍କ ଉତ୍ସାହ ନାଚ ଗୀତର ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି । କିନ୍ତୁ ପରିଣୀତିଙ୍କ ବଡ଼ ଭଉଣୀ ପ୍ରିୟଙ୍କା ନିଜ ଭଉଣୀ ବାହାଘରରେ ନଜର ଆସିନାହାନ୍ତି । ଯାହାକି ଅନେକଙ୍କ ମନରେ ପ୍ରଶ୍ନ ଉଠିଛି କି, କାହିଁକି ଭଉଣୀ ବାହାଘର ଉପସ୍ଥିତ ରହିଲେ ନାହିଁ ପ୍ରିୟଙ୍କା । ଏହା ପଛରେ କଣ କାରଣ ରହିଛି ।

ତେବେ ପ୍ରିୟଙ୍କାଙ୍କ ଅନୁପସ୍ଥିତିର କାରଣ କହିଛନ୍ତି ତାଙ୍କ ମା ମଧୁ ଚୋପ୍ରା । ସେ କହିଛନ୍ତି କି, ପ୍ରିୟଙ୍କା ନିଜର କାମରେ ରହିଛନ୍ତି । ବ୍ୟସ୍ତତା ଭିତରେ ବହୁ କାମ ରହିଥିବାରୁ ସେ ଏହି ବିବାହ ଉତ୍ସବରେ ଯୋଗ ଦେଇପାରିନାହାନ୍ତି । ତେବେ କେଉଁ କାମରେ ବ୍ୟସ୍ତ ଅଛନ୍ତି ଯେ ଆସିପାରିଲେ ନାହିଁ ତାହା ସେ ସ୍ପଷ୍ଠ କରିନାହାନ୍ତି । ତେବେ ବିବାହ ଉତ୍ସବରେ ଯୋଗ ଦେଇନଥିବାବେଳେ କୌଣସି ଉପହାର ମଧ୍ୟ ପଠାଇନାହାନ୍ତି । ସେପଟେ ପରିଣୀତିଙ୍କ ମା ମଧୁ ବେଶ ଖୁସି ହୋଇଥିବା ନଜର ଆସିଛନ୍ତି । ସେ ବେଶ ଖୁସିର ସହ ବିବାହ ଉତ୍ସବକୁ ଉପଭୋଗ କରୁଥିବାର ଫଟୋମାନ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି ।

ସାନିଆ ମିର୍ଜା, ମନୀଷ ମାଲହୋତ୍ରା ଏବଂ ହରଭଜନ ସିଂଙ୍କ ପରି କେତେକ ପ୍ରସିଦ୍ଧ ସେଲିବ୍ରେଟୀ ପରିଣୀତି ଏବଂ ରାଘବଙ୍କ ବିବାହ ଉତ୍ସବରେ ଯୋଗ ଦେଇଥିଲେ। ସେପ୍ଟେମ୍ବର 22ରେ ଉଦୟପୁରରେ ପହଞ୍ଚିଥିବାବେଳେ ବିବାହ କାର୍ଯ୍ୟକ୍ରମ ଆରମ୍ଭ ହୋଇଥିଲା । ହଳଦୀ, ମେହେନ୍ଦୀ ଭଳି ବହୁ ନୀତି ପାଳନ କରାଯିବା ସହ ବିବାହ ସମାରୋହ ଅନୁଷ୍ଠିତ ହୋଇଛି ।