କାହିଁକି ବନ୍ଦ ହେଲା ସବୁଠୁ ଅଧିକ ଲୋକପ୍ରିୟ ଧାରାବାହିକ ‘ଶକ୍ତିମାନ୍’ ? କେବେଠୁ ପୁଣି ଆସିବ “ଶକ୍ତିମାନ୍” ।

 କାହିଁକି ବନ୍ଦ ହେଲା ଶକ୍ତିମାନ୍ ?

 କଣ ରହିଛି ଘଟଣା ପଛର ରହସ୍ୟ ?

  ତମରାଜ୍ କିଲଭିସ୍ ଆଉ ଡକ୍ଟର ଜୟକାଲଙ୍କ ପାଖରେ ଶକ୍ତିମାନ୍ ହାରିଗଲେ କି ?

ବନ୍ଦ ପଛର କାରଣ ଛୋଟପିଲାଙ୍କ ମୃତ୍ୟୁ ନୁହେଁ ତ ?

ଆଉ ପୁଣି ଥରେ କେବେ ଟିଭି ପରଦାକୁ ଆସିବ କି ଏଇ ଲୋକପ୍ରିୟ ଧାରାବାହିକ ?

ଏ ସମସ୍ତ ଅସମାହିତ ପ୍ରଶ୍ନର ଉତ୍ତର ନିଜେ ଦେଇଛନ୍ତି ଶକ୍ତିମାନ୍ ର ପ୍ରଯୋଜକ ତଥା ଭୀଷ୍ମ ଇଣ୍ଟରନ୍ୟାସନାଲ୍ କମ୍ପାନୀର ମାଲିକ ମୁକେଶ ଖାନ୍ନା । ସେ ନିଜେ ଖୋଲିଛନ୍ତି ଘଟଣା ପଛର ସବୁ ରହସ୍ୟ  । ସେ ନିଜେ କହିଛନ୍ତି ଯେ ଶକ୍ତିମାନ୍ ଧାରାବାହିକର ଯେତେ ସବୁ ଫ୍ୟାନ୍ ଅଛନ୍ତି, ସେମାନେ ଏମିତି କିଛି ପ୍ରଶ୍ନ ଆଜିକାଲି କି ବର୍ଷେ ଦୁଇବର୍ଷ ନୁହେଁ ବରଂ ପାଖାପାଖି ପାଞ୍ଚ ବର୍ଷ ହେବ ଏମିତି କିଛି ପ୍ରଶ୍ନ ପଚାରିଛନ୍ତି  । ସେ ଉତ୍ତର ରଖିବେ କି ନାହିଁ ଏମିତି କିଛି ଦ୍ୱନ୍ଦ୍ୱ ଭିତରେ ଥିବାବେଳେ, ଶେଷକୁ ମୁହଁ ଖୋଲିଛନ୍ତି  ।

ଫ୍ୟାନ୍ ମାନେ ଆହୁରି ତାଙ୍କୁ ସୋସିଆଲ୍ ମିଡିଆରେ ପଚାରିଥାନ୍ତି ଆପଣ କେବେ ପୁଣି ଶକ୍ତିମାନ୍ ପୋଷାକ ପିନ୍ଧି ଟିଭି ପରଦାକୁ ଆସିବେ । ଆପଣ ସେ ‘ଆର୍ଯ୍ୟମାନ’କୁ ଛାଡ଼ି ପୁଣି ଥରେ ଶକ୍ତିମାନ ଆରମ୍ଭ କରନ୍ତୁ । ତେବେ ଆସନ୍ତୁ ନଜର ପକେଇବା ସମସ୍ତ ପ୍ରଶ୍ନର ଉତ୍ତର ସେ କ’ଣ କହି ଦେଇଛନ୍ତି ।

୨୦୦୪ ମସିହାରେ କାହିଁକି ବନ୍ଦ ହେଲା ଲୋକପ୍ରିୟ ଧାରାବାହିକ ଶକ୍ତିମାନ୍ ?

ତାଙ୍କ କହିବା ଅନୁସାରେ ମହାଭାରତ, ରାମାୟଣ ପରେ ଟେଲିଭିଜନ୍ ଦୁନିଆରେ ଆଉ ଯଦି କିଛି ଲୋକପ୍ରିୟ ଧାରାବାହିକ ସେ ସମୟରେ ଥିଲା, ତାହା ଥିଲା ଶକ୍ତିମାନ୍ । ଶକ୍ତିମାନ ଚାଲୁଥିବାବେଳେ ନା ଦର୍ଶକ କମ୍ ଥିଲେ ନା ଟିଆରପି କମ୍ ଥିଲା ନା ତାଙ୍କର କମ୍ ବିଜ୍ଞାପନ ଆସୁଥିଲା  । ବରଂ କେବଳ ଶକ୍ତିମାନ ଧାରାବାହିକ ପାଇଁ ସେ ତାଙ୍କ ଭୀଷ୍ମ ଇଣ୍ଟରନ୍ୟାସନାଲ୍ କମ୍ପାନୀ ତିଆରି କରିବାକୁ ସକ୍ଷମ ହୋଇପାରିଥିଲେ ।

ସେ ଯେତେବେଳେ ୧୯୯୭ ମସିହାରେ ଏମିତି ଏକ ପ୍ରପୋଜାଲ୍ ନେଇକି ଦୂରଦର୍ଶନ  ଯାଇଥିଲେ ସେତେବେଳେ ଦୂରଦର୍ଶନର ଯିଏ ଡିଜି ଥିଲେ ସେ ଏଭଳି ଏକ କାହାଣୀ ଶୁଣି ଖୁସିହେଇଯାଇଥିଲେ  । ତା’ ପରେ ଡିଜି ମୁକେଶଙ୍କୁ କହିଲେ ଏହା ହେବ ଭାରତର ପ୍ରଥମ ସୁପର ହିରୋ କନସେପ୍ଟ ଆଉ ଆପଣ ଯେତେଶୀଘ୍ର କାମରେ ଲାଗିଯାନ୍ତୁ ଏବଂ ଶନିବାର ସକାଳର ଯୋଉ ସ୍ଲଟ୍ କହିବେ ମୁଁ ନିଶ୍ଚୟ ଦେବି । ଏଇ କେଇପଦ କଥାରେ ଖୁସି ହୋଇ ମୁକେଶ ଶକ୍ତିମାନର ସୁଟିଂ ଆରମ୍ଭ କଲେ ଓ ପରବର୍ତ୍ତୀ ସମୟରେ ତାଙ୍କ ଅଫିସ୍ ଷ୍ଟାଫ୍ ଆଉ ବିଜ୍ଞାପନ ଏଜେନ୍ସି ସହ କଥାହେଇ ଶନିବାର ସକାଳ ୧୧.୩୦ ରୁ ୧୨.୩୦ ସହିତ ମଙ୍ଗଳବାର ରାତି ୧୦.୩୦ ରୁ ୧୧.୩୦, ଏହି ଦୁଇଟି ସ୍ଲଟ୍ ତିନି ଲକ୍ଷ ଅଶୀ ହଜାର ଟଙ୍କାରେ କିଣିଲେ ଯାହା ଥିଲା ନନ୍ ପ୍ରାଇମ୍ ଟାଇମ୍ । ସେତେବେଳେ ନିୟମ ଥିଲା, ଯେକେହି ଦୂରଦର୍ଶନରେ କାର୍ଯ୍ୟକ୍ରମ କରିବାକୁ ଚାହିଁଲେ ସେମାନେ ଟଙ୍କା ଦେଇ ସ୍ଲଟ୍ କିଣିବେ ଆଉ ସେହି କାର୍ଯ୍ୟକ୍ରମ ପାଇଁ ଯାହା ବିଜ୍ଞାପନ ଆସିବ,ସେ ଅର୍ଥ କେବଳ ପ୍ରଯୋଜରଙ୍କର ।

ଯାହା ବି ହେଉ ସବୁପ୍ରକାର ପ୍ରସ୍ତାବରେ ମୁକେଶ ରାଜିହେଇ ତାଙ୍କ ଧାରାବାହିକ ଆରମ୍ଭ କଲେ ଏବଂ ଯାହା ମାର୍କେଟରେ ବହୁତ ଚହଳ ସୃଷ୍ଟି କଲା । କିଛି କମ୍ପ୍ଲେନ୍ ବି ଆସିଲା  ଯେ ,ଶନିବାର ୧୧.୩୦ରେ ଆରମ୍ଭ ହେଉଥିବାରୁ ପିଲାମାନେ ଅଧିକାଂଶ ସମୟ ସ୍କୁଲ୍ ଗଲେନି ଆଉ ବଡ଼ ପିଲାମାନେ କାମ ଅଧା କରି ଆସି ଦେଖିଲେ  । ଲୋକମାନଙ୍କ ଅଭିଯୋଗ ଆଉ ନିଜ ନାଆଁକୁ ଆଉ ଟିକେ ଉପରକୁ ନବା ପାଇଁ ଦୂରଦର୍ଶନର ଡିଜି ମୁକେଶଙ୍କୁ ରବିବାର ପ୍ରସାରଣ କରିବା ପାଇଁ କହିଲେ ଏବଂ ମୁକେଶ ବି ଖୁସି ହୋଇ ରବିବାର ୧୨ ଟାରୁ ୧ଟା ପର୍ଯ୍ୟନ୍ତ ପ୍ରସାରଣ ଆରମ୍ଭ କଲେ  । ରବିବାର ହେଉଥିବାରୁ ଲୋକପ୍ରିୟତା ଆହୁର ବଢିଲା ଏବଂ ବିଜ୍ଞାପନ ବି ବହୁତ ଆସିବାକୁ ଲାଗିଲା  । ପରବର୍ତ୍ତୀ ସମୟରେ ସେହି ଦୁଇଟି ସ୍ଲଟ୍ ପାଇଁ ତାଙ୍କୁ ଦବାକୁ ପଡିଲା ସାତ ଲକ୍ଷ ଅଶୀ ହଜାର ଚଙ୍କା  । ନିଜର ଉନ୍ନତ ବ୍ୟବସାୟକୁ ଆଖି ଆଗରେ ରଖି ମୁକେଶ ଏବଂ ତାଙ୍କ କମ୍ପାନୀ ସେହି ଟଙ୍କା ଦେବା ପାଇଁ ରାଜି ହେଇଗଲେ । ଧାରାବାହିକରେ ଅଭିନୟ କରୁଥିବା କଳାକାରମାନେ ଅଧିକ ପାରିଶ୍ରମିକ ନେବାପାଇଁ ଇଛା ପ୍ରକାଶ କଲେ  । କୋଉଥିରେ କାହାକୁ କିଛି ମନା ନ କରି ମୁକେଶ ଆଗେଇ ଚାଲିଲେ ତାଙ୍କ ସ୍ୱପ୍ନର ପ୍ରୋଜେକ୍ଟକୁ ସଫଳତାର ଶୀର୍ଷରେ ପହଞ୍ଚେଇବା ଉଦ୍ଦେଶ୍ୟରେ  ।

ଏହା ଭିତରେ ସଫଳତାର ସହ ଆଗେଇଯାଇ ଶକ୍ତିମାନ୍ ଧାରାବାହିକ ରବିବାର ସ୍ଲଟରେ ପହଞ୍ଚେ ୧୦୪ତମ ଅଧ୍ୟାୟରେ  ।

କିନ୍ତୁ ଏଇଠି ମନ ଭାଙ୍ଗିଯାଏ ମୁକେଶଙ୍କର କାରଣ, ଦୂରଦର୍ଶନ ଦାବି କରେ ସେହି ସ୍ଲଟ୍ ପାଇଁ ୧୦ ଲକ୍ଷ ୮୦ ହଜାର  ଟଙ୍କା  । ମୁକେଶ କାହିଁକି ଏତେ ଟଙ୍କା ଦେବି ବୋଲି ପ୍ରଶ୍ନରେ ନୂତନ ଭାବେ ଆସିଥିବା ଡିଜି କୁହନ୍ତି, ୧୦୪ ଅଧ୍ୟାୟ ଅତିକ୍ରମ କଲାପରେ ଫାଇନାଲ୍ କରାଯାଇଥିବା ରାଶି ଦେଢ଼ଗୁଣା ହେଇଯିବ । ସ୍ୱର୍ଗକୁ ନିଶୁଣୀ ନାହିଁ କି ବଡ ଲୋକଙ୍କୁ ଉତ୍ତର ନାହିଁ  ,ଏହି କଥାକୁ ମର୍ମେ ମର୍ମେ ବୁଝି କିଛି ସମୟ ପାଇଁ ଚୁପ୍ ରହିଲେ ମୁକେଶ ଆଉ ଭିତିରି ଖବର ନେଇ ବୁଝିଲେ ଯେ ଦୂରଦର୍ଶନ ପ୍ଲାନ୍ କରୁଛି ଆଉ ୫୦ତମ ଅଧ୍ୟାୟ ପରେ ସେହି ସ୍ଲଟ ପାଇଁ ୧୬ ଲକ୍ଷ ୮୦ ହଜାର ନେବ ବୋଲି। କଳାକାର, ଟେକ୍ନିସିଆନ୍, ଚ୍ୟାନେଲ୍ ସମସ୍ତଙ୍କ ପାରିଶ୍ରମିକ ଦେଇସାରିବା ପରେ ବାକି ଯାହା ରହିବ ସେଥିରେ କମ୍ପାନୀ ଚାଲିବା କାଠିକର କାଠ ହେଇଯିବ। ତେଣୁ ୨୦୦୪ ମସିହାରେ ବାଧ୍ୟ ହୋଇ ଶକ୍ତିମାନ ବନ୍ଦ କରିଦେଲେ  । ଆଉ ତାଙ୍କ ଶକ୍ତିମାନର କାହାଣୀ ବି ଅଧୁରା ବି ରହିଗଲା । କାହାଣୀର ଶେଷରେ କଣ ଥିଲା ,ଅଧାରୁ କାହିଁକି ବନ୍ଦ କରିଦେଲେ ଏମିତି ବହୁ ପ୍ରଶ୍ନ ଲୋକମାନେ ପଚାରିଥିଲେ ମଧ୍ୟ ଏମିତି ଏକ ଅଭାବନୀୟ ଘଟଣା କାହାକୁ କହିବେ,ସେଥିପାଇଁ ଚୁପ୍ ରହିଥିଲେ । କିନ୍ତୁ ବାରମ୍ୱାର ପ୍ରଶ୍ନ ଓ ସୋସିଆଲ୍ ମିଡିଆରେ ଗୁଜବ ଆସୁଥିବାରୁ ଶେଷରେ ମୁହଁ ଖୋଲିବାକୁ ବାଧ୍ୟ ହେଲେ ମୁକେଶ ଖାନ୍ନା  ।

ଶକ୍ତିମାନ ଖାଲି ହିନ୍ଦୀରେ ନୁହେଁ ଦୂରଦର୍ଶନରେ ପ୍ରସାରଣ ବନ୍ଦ ହେବା ପରେ ବିଭିନ୍ନ ଭାଷାରେ ଏମିତିକି ଓଡିଆରେ ମଧ୍ୟ ପ୍ରସାରିତ ହୋଇସାରିଛି। ପୁଣି ଆରମ୍ଭ ହେବ କି ନାହିଁ ପ୍ରଶ୍ନର ଉତ୍ତରରେ ମୁକେଶ କହିଛନ୍ତି ମୁଁ ବି ସେ ସୁବର୍ଣ୍ଣ ସମୟ ଅପେକ୍ଷାରେ ଅଛି କେବେ ମୁଁ ଶକ୍ତିମାନ ସିଜିନ ୦୨ ଲୋକଙ୍କ ସାମ୍ନାକୁ ଆଣିବି । 

ବହୁ ଲୋକଙ୍କ ଅନୁରୋଧକୁ ଆଖି ଆଗରେ ରଖି  ଭୀଷ୍ମ ଇଣ୍ଟରନ୍ୟାସନାଲ୍ ୧୫ ମାର୍ଚ୍ଚ ୨୦୧୯ ତାରିଖ ଠାରୁ ଏକ ‘ସରି ଶକ୍ତିମାନ’ ନାଆଁରେ ଏକ ୱେବ୍ ସିରିଜ୍ ଆରମ୍ଭ କରି ବର୍ତମାନ ସୁଦ୍ଧା ୨୪ ଟି ଅଧ୍ୟାୟ ପୂରଣ କରିସାରିଲାଣି ଯାହା ଲୋକପ୍ରିୟ ହୋଇପାରିଛି । ')}