କେଜ୍ରିୱାଲ କହିଲେ, କାହିଁକି ନିର୍ବାଚନରେ ଦିଅନ୍ତି ଲୋଭନୀୟ ଉପହାର

ନୂଆଦିଲ୍ଲୀ: ଲୋକମାନଙ୍କୁ ଦିଆଯାଉଥିବା ଲୋଭନୀୟ ପ୍ରତିଶ୍ରୁତିକୁ ନେଇ ମତ ରଖିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । ନିର୍ବାଚନ ସମୟରେ ଭୋଟରଙ୍କ ଉଦ୍ଦେଶ୍ୟରେ ଯେଉଁ ପ୍ରତିଶ୍ରୁତି ଦିଆଯାଉଛି ତାହା ଲାଞ୍ଚ ନୁହେଁ ବରଂ ରାଷ୍ଟ୍ରର ଦାୟିତ୍ବବୋଧ ବୋଲି ସେ କହିଛନ୍ତି । କେଜ୍ରିଓ୍ବାଲ କହିଛନ୍ତି- ଦିଲ୍ଲୀରେ ସେ ଛାତ୍ରଛାତ୍ରୀଙ୍କୁ ମାଗଣା ଶିକ୍ଷା ଦେବାର ବ୍ୟବସ୍ଥା କରିଛନ୍ତି । ଦିଲ୍ଲୀର ସରକାରୀ ବିଦ୍ୟାଳୟଗୁଡ଼ିକରେ ୧୮ ଲକ୍ଷ ଛାତ୍ରଛାତ୍ରୀ ଶିକ୍ଷାଲାଭ କରୁଛନ୍ତି । ସମସ୍ତ ସରକାରୀ ବିଦ୍ୟାଳୟଗୁଡିକର ସ୍ଥିତି ଅତି ଖରାପ ଥିଲା ।

ମାତ୍ର ବର୍ତ୍ତମାନ ସମସ୍ତ ସରକାରୀ ସ୍କୁଲର ଚିତ୍ର ବଦଳିଛି । ସେ ମାଗଣା ସୁବିଧାଗୁଡ଼ିକୁ ଗୁରୁତ୍ବ ଦେଉନାହାନ୍ତି ବରଂ ଦେଶର ଭବିଷ୍ୟତ ପ୍ରତି ଗୁରୁତ୍ବ ଦେଉଛନ୍ତି । ଦିଲ୍ଲୀରେ ମହଲା ଜରିଆରେ ମାଗଣା ସ୍ବାସ୍ଥ୍ୟସେବା ଚାଲିଛି । ସବୁବର୍ଗର ଲୋକ ଏହି ସୁବିଧା ପାଇଛନ୍ତି । ମାଗଣା ପାନୀୟଜଳ, ବିଦ୍ୟୁତ ବା ବିଶ୍ବସ୍ତରୀୟ ପ୍ରାଥମିକ ଶିକ୍ଷା ରାଷ୍ଟ୍ରର ଦାୟିତ୍ବ ବୋଲି ସେ କହିଛନ୍ତି । ଦିଲ୍ଲୀରେ ମାଗଣା ୨୦୦ ୟୁନିଟ ଓ ପଞ୍ଜାବରେ ମାଗଣା ୩୦୦ ୟୁନିଟ ବିଦ୍ୟୁତ ପ୍ରଦାନକୁ ଯଥାର୍ଥ କହିଛନ୍ତି କେଜ୍ରିଓ୍ବାଲ ।