ଟସ୍ ଜିତି କାହିଁକି ବୋଲିଂ ନିଷ୍ପତ୍ତି ନେଲା ଟିମ୍ ଇଣ୍ଡିଆ?

ଧର୍ମଶାଳା: ସୁପର ସଣ୍ଡେରେ ସୁପର ମ୍ୟାଚ୍ । ଚଳିତ ବିଶ୍ବକପରେ ଦମଦାର ପ୍ରଦର୍ଶନ କରୁଥିବା ଦୁଇ ଲଢ଼ୁଆ ଟିମ ମଧ୍ୟରେ ଚାଲିଛି ଟକ୍କର । ଭାରତ ଏବଂ ନ୍ୟୁଜିଲାଣ୍ଡ ମଧ୍ୟ ମ୍ୟାଚ ଚାଲିଛି । ବିଶ୍ବକପରେ ଭାରତ ନ୍ୟୁଜିଲାଣ୍ଡ ମ୍ୟାଚ ସବୁବେଳେ ସଂଘର୍ଷପୂର୍ଣ୍ଣ ହୋଇଥାଏ । ଭାରତ ତୁଳନାରେ ନ୍ୟୁଜିଲାଣ୍ଡର ପଲ୍ଲା ଭାରି ରହିଛି । ତେବେ ଚଳିତ ବିଶ୍ବକପ ଭାରତରେ ଅନୁଷ୍ଠିତ ହେଉଥିବାବେଳେ ଆଜିର ମ୍ୟାଚଟି ଧର୍ମଶାଳାରେ ଅନୁଷ୍ଠିତ ହେଉଛି । କ୍ରିକେଟ ପ୍ରେମୀମାନେ ଆଶା ରଖିଥିଲେ କି, ଭାରତ ପ୍ରଥମେ ବ୍ୟାଟିଂ କରିବ ଏବଂ ବଡ଼ ସ୍କୋର କରିବ । ଭାରତ ଟସ୍ ଜିତିଥିଲେ ସୁଦ୍ଧା ବୋଲିଂ ନିଷ୍ପତ୍ତି ନେଇଛି । ଯାହାକି ଅନେକ କ୍ରିକେଟପ୍ରେମୀଙ୍କୁ ଏହା ନିହାତିଭାବେ ହତୋତ୍ସାହ କରୁଛି । କିନ୍ତୁ ରୋହିତ ଶର୍ମା ବୋଲିଂ ନିଷ୍ପତ୍ତି ନେବା ପଛରେ ରହିଛି ଅନେକ ମୁଖ୍ୟ କାରଣ ।

ଏବେ ଶୀତ ଦିନ ଆରମ୍ଭ ହୋଇଥିବାବେଳେ କାକର ପଡ଼ୁଛି । ଏଠାରେ ବହୁ ମାତ୍ରାରେ କାକର ପଡ଼ୁଥିବାରୁ ଦ୍ବିତୀୟ ପାଳିରେ ବୋଲିଂ କରିବା ବହୁ କଷ୍ଟ । ବୋଲିଂ କରିବା ଏବଂ ଫିଲ୍ଡିଂ ପାଇଁ କଷ୍ଟ ହେଉଥିବା ଲକ୍ଷ୍ୟ କରି ଏଭଳି ନିଷ୍ପତି ନେଇଛନ୍ତି ବୋଲି କୁହାଯାଉଛି । ଟାର୍ଗେଟକୁ ସହଜରେ ପୂରଣ କରିବା ପାଇଁ ଭାରତ ଲକ୍ଷ୍ୟ ରଖିଛି ।